Ղարաբաղի կարգավիճակի հարցն անձամբ Փաշինյանն է փակել. Լավրով (տեսանյութ)

Ռուսաստանի ԱԳ նախարար Սերգեյ Լավրովը, անուղղակիորեն, բայց փաստացի,  հաստատել է, որ ՀՀ վարչապետ Նիկոլ Փաշինյանն, ըստ էության, ստախոս է: Վերջինս շարունակ պնդում է, թե Արցախի հարցը լուծված էր «նախկինների» ժամանակ (Տեր-Պետրոսյանի ժամանակ, 1991 թվին, Առաջին Հանրապետության տարիներին, միջնադարում, Բագրատունիների օրոք, Արտաշիսյանների օրոք, Ռուսա Երկրորդի ժամանակ, վաղ պալեոլիթի շրջանում և այլն): Բայց արի ու տես, որ ՌԴ ԱԳ նախարարը հաստատում է ակնհայտը. Ղարաբաղի կարգավիճակի հարցն անձամբ Փաշինյանն է փակել: 

Դե, Հայաստանում միայն ծայրահեղ միամիտը չգիտեր, որ Նիկոլ Փաշինյանն իր ամբողջ էությամբ, բոլոր բջիջներով, կարելի է ասել, ծայրահեղորեն ատում է Արցախը, Արցախի հայերին, ու ոչ միայն Արցախի, ի դեպ: Ու ստեղծելով «բավարար հիմքեր», իր սիրելի թուրք-ադրբեջանցիների հետ «բանակցելով», բացեիբաց ուրացավ Արցախը, հրաժարվեց Արցախից, ու դեռ մի բան էլ դա գերհանդուրժող ու ինքն իրեն չգիտես, թե ինչի տեղ դրած հանրության վրա սաղացնում է որպես սխրանք, «Հայաստանի ինքնիշխանության պաշտպանություն» և նմանօրինակ այլ ցնորամիտ ձևակերպումներ է տալիս իր արածին, որը ներում չունի:
Նա զբաղված է իր «վարդագույն երազանքների» իրականացմամբ՝ Հայաստանի թրքացմամբ ու ադրբեջանիզացիայով: Իսկ թե ինչ թիթեռանկարչությամբ ենք զբաղված մնացած բոլորս, երևի թե՝ պարզ է, հակառակ դեպքում՝ Փաշինյանը չէր շարունակի համարվել ՀՀ վարչապետ: 
Ա.Հ.
Zham.am