Այո՛, թշնամին հարձակման է պատրաստվում. Ռուբեն Հակոբյան

Այո՛, թշնամին հարձակման է պատրաստվում:
ՖԲ-յան իմ վերջին գրառմանն արձագանքելով (ստատուսի հղումը), մտերիմներիցս մեկը ինձ գրում է՝ «… ժողովրդին վախացնում եք։ Ազգովի պատրաստվել խաղաղության, ոչ թե պատերազմի, Նիկոլին էլ պետք է հանել ռադ անել, որ ոչ թե պատերազմ լինի, այլ խաղաղություն, խաղաղությանը ինքն ա խանգարում…»։
Հարգելիս, բայց թշնամին բացահայտ է հայտարարում, որ պատրաստվում է հարձակման և թքած ունի հնչող միջազգային բոլոր հորդորների վրա, ինչով միշտ է առաջնորդվել։ Նա Զանգեզուրի միջանցքի և ութ գյուղերին տիրանալուն ծրագիր ունի։ Առայժմ։ Ինչ է՝ լուռ ու մունջ հետևենք թշնամու առաջ ծնկած այս վիժվածքի պահվածքին ու Ալիևի նվաճողական ծրագրերի իրականացմա՞նը…
Թշնամուց խաղաղություն չեն մուրում, նրան խաղաղությումը պարտադրու՛մ են։
Հասարակությունը պետք է տեղեկացված լինի, թե ինչ է իր պետության հետ կատարվում և անհրաժեշտության դեպքում պատրատ լինի համարժեք քայլերի։
Ի դեպ՝ պատերազմի խորհրդանիշ հրեշի «խաղաղության օրակարգին» զուգահեռ, մարդիկ կային, ովքեր ժամամանակին զգուշացնում էին, որ իր համար հարմար պահի թշնամին հայաթափելու է Արցախը, ինչը և տեղի ունեցավ։
Ալիևի թիվ մեկ դաշնակիցը Հայաստանը կործանելու սցենարում վարչապետ կոչվածն է։ և, այո՛, ամեն գնով սրանից օր առաջ պետք է ազատվել։
Իսկ թե ովքեր և ինչպես պետք է իրականացնեն այս հրեշի հեռացումը՝ առաջիկա գրառմամբ։
Ռուբեն Հակոբյանի ֆեյսբուքյան էջից