Թրամփը և Մակրոնը քննարկել են սիրիական ճգնաժամը
ԱՄՆ-ի նախագահ Դոնալդ Թրամփը և Ֆրանսիայի bնախագահ Էմանուել Մակրոնը հեռախոսազրույց են ունեցել, որի ժամանակ քննարկել են Սիրիայի ճգնաժամը, Իրանի գործողություններին այդ երկրում հակազդելու ուղիները, ինչպես նաև ԿԺԴՀ-ի վրա առավելագույն ճնշում գործադրելու կարևորությունը՝ Կորեական թերակղզու միջուկազերծման համար:
Ինչպես տեղեկացնում է ՏԱՍՍ-ը, քննարկման հիմնական մեխը սիրիական ճգնաժամի քաղաքական լուծման անհրաժեշտությունն էր:
«Նախագահները համակարծիք Էին, որ ՄԱԿ-ի հովանու ներքո անցկացվող Ժնևի անակցությունները Սիրիայի ճգնաժամի քաղաքական լուծման հասնելու միակ հարթակն են: Ղեկավարները նաև ընդգծել են Սիրիայում Իրանի ապակայունացնող գործունեությանը դիմակայելու և համակարծիք Էին, որ բոլոր երկրները պետք Է հնարավոր առավելագույն ճնշում գործադրեն հյուսիսկորեական ռեժիմի վրա, որպեսզի հասնեն Կորեական թերակղզու միջուկազերծմանը»,- ասված Է Սպիտակ տան մամուլի ծառայության հայտարարության մեջ:
Zham.am
Հետևեք մեզ Facebook-ում