Մկները պատրաստ են զոհաբերել քունը հանուն սոցիալական շփումների. հետազոտություն

University of Michigan-ի հետազոտողները մի հայտնագործություն են կատարել, որն ընդգծում է մկների եւ մարդկանց վարքագծի նմանությունը. երկու տեսակներն էլ կարող են զոհաբերել քունը հանուն սոցիալական շփման, տեղեկացրել է Current Biology պորտալը։
Այս բացահայտումը արվել է մկների քնին հետեւելու արդյունքում, որոնք, ինչպես պարզվել է, նախընտրում են քնել իրենց ցեղակիցների կողքին՝ հետեւելով ֆիզիկական շփման ներքին պահանջին, տեղեկացրել է Planet Today-ը։
Հետազոտության ընթացքում գիտնականները հայտնաբերել են, որ մկները, ինչպես եւ մարդիկ, նախընտրում են քունը մերձավոր առանձնյակների հետ՝ չնայած անհարմարություններին։ Նրանք սեղմվում են միմյանց հանգստի ժամանակ, ինչն արտացոլում է սոցիալական կապերի նրանց ձգտումը անգամ հանգստի վիճակում։
Չնայած ֆիզիկական շփման այդ ձգտումը անհարմարավետություն է պատճառում, քանի որ յուրաքանչյուր արթնացած կրծող կարող էր արթնացնել մյուսներին, դա չի խանգարել նրանց հետեւել այդ ներքին մոտիվացիային։ Գիտնականներից մեկը՝ դոկտոր Սթիվեն Հյուզը, հայտնել է. «Այս բացահայտումը ցուցադրում է սոցիալական կապի մեր պահանջմունքների խոր արմատները։ Մկների դիտարկումները կարող են օգնել ավելի լավ հասկանալ մարդկանց սոցիալական վարքը եւ անգամ մշակել ռազմավարություններ սոցիալական խնդիրներ ունեցող մարդկանց քնի բարելավման համար»։
Աղբյուր՝ News.am
լուսանկարը՝ Նարինե Կիրակոսյանի