Այժմ ճոխ տոնակատարություններ անցկացնելու լավագույն ժամանակը չէ. Մոսկվայում չեղյալ են հայտարարվել Ամանորի և Սուրբ Ծննդյան տոների հրավառությունները

Մոսկվայում չեղյալ են հայտարարվել Ամանորի և Սուրբ Ծննդյան տոների հրավառությունը, հայտնում է «ՌԻԱ Նովոստին»՝ հղում անելով մայրաքաղաքի կառավարության աղբյուրին։ 
Ռուսաստանի մայրաքաղաքում Ամանորին կամ Սուրբ Ծննդին հրավառություն չի լինի:
Նման առաջարկ է արվել Պետդումայում։
Ավելի վաղ Պետդումայի պատգամավոր Դմիտրի Գուսևը հայտնել էր, որ նամակ է ուղարկել Մոսկվայի քաղաքապետ Սերգեյ Սոբյանինին՝ խնդրելով հրաժարվել Ամանորի գիշերը հրավառություն անելուց։
Նրա կարծիքով՝ տնտեսված բյուջետային գումարները պետք է ուղղվեն Ուկրաինայում հատուկ ռազմական գործողության մասնակիցների կարիքներին։
Բացի այդ, նա նշել է, որ հրավառության դեմ ոչինչ չունի։
Ընդհակառակը, նա կարծում է, որ դրանք ուրախություն են պատճառում մարդկանց, քանի որ մարդկանց մեծամասնության համար հրավառությունը կապված է ուրախության և տոների հետ։
Պատգամավորը, սակայն, կարծում է, որ այժմ ճոխ տոնակատարություններ անցկացնելու լավագույն ժամանակը չէ. Հրավառության վրա խնայված գումարը կարող է ուղարկվել մոբիլիզացվածներին և նրանց ընտանիքներին։