Հայաստանը մազից է կախված. հիմա արդեն սյունեցիներին են ասելու, որ չեն կարող պաշտպանել նրանց (տեսանյութ)
politik.am-ի զրուցակիցն է ԱԺ պատգամավոր Արեգնազ Մանուկյանը։
Ամփոփելով տարին՝ նա հիշեցրել է, որ Ալիևը փակել էր Արցախի կյանքի ճանապարհը, Փաշինյանը՝ կյանքի հնարավորությունը, և քայլարածները հայտարարում էին, թե ի՞նչ են ուզում արցախցիները, ուզում են, որ Ադրբեջանին պատերա՞զմ հայտարարենք Արցախի համար։ Ու այդպես Արցախին մենակ թողնելով ու թիկունքից դավաճանելով՝ լուռ հետևեցին, թե ինչպես է Արցախն ընկնում։
«Հիմա եկել է Հայաստանի՛ հերթը։ Հիմա էլ քայլարածները հայտարարում են․ «Ի՞նչ են ուզում սյունեցիները, ուզում են, որ Սյունիքի համար Ադրբեջանին պատերա՞զմ հայտարարենք», «Ի՞նչ են ուզում վարդենիսցիները, սևանցիները, մարտունեցիները, տավուշցիները, գյումրեցիները և, ի վերջո, երևանցիները․․․»։ Մեկ բան ակնհայտ է՝ Փաշինյանը հիմա էլ Հայաստանն է դրել աշխարհաքաղաքական բախումների զոհասեղանին՝ հանուն սեփական կաշվի փրկության։
Ալիևը դրսից է հարվածում մեր երկրին, Փաշինյանը՝ ներսից։ Ու դժվար է ասել, թե ով է ավելի մեծ հարված հասցնողը։ Երկուսն էլ իրենց շահն ունեն, բայց հաստատ երկուսի շահը չի համընկում Հայաստանի ու հայ ժողովրդի շահերի հետ»,-ասել է Արեգնազ Մանուկյանը։Նա նաև հիշեցրել է Նիկոլ Փաշինյանի տված ու չիրականացրած խոստումները՝ ընդգծելով, որ այս իշխանությունները լեգիտիմ չեն և պետք է հեռացվեն։
Մանրամասները՝ տեսանյութում։
Հետևեք մեզ Facebook-ում