Տոլստոյը կործանարար է համարում Հայաստանի հեռանալը Ռուսաստանից

ՌԴ Պետդումայի փոխխոսնակ Պյոտր Տոլստոյը զգուշացրել է Հայաստանին Ռուսաստանից հեռացնելու վնասակարության մասին: Այս մասին գրում է ՌԻԱ Նովոստին։
Նա կոչ է արել Հայաստանին չկրկնել հետխորհրդային երկրների սխալները, որոնք փորձում էին Ռուսաստանից ստանալ այն ամենը, ինչ կարող էին ստանալ, միաժամանակ՝ ստանալ ամեն ինչ նաև Եվրոպայից։
«Ամերիկյան դեսպանատանը կից 2500 հասարակական կազմակերպություն, նախկին ԽՍՀՄ տարածքում ամերիկյան ամենամեծ ներկայացուցչություն, դրամաշնորհներ, փողեր և ներշնչանք հայ երիտասարդներին, հայ հասարակությանը, որ Հայաստանը կարող է ապրել առանց Ռուսաստանի», — ասել է Տոլստոյը «Ռուսաստան-Հայաստան» առաջին հասարակական համաժողովի բացմանը։
Խորհրդարանականը Հայաստանին հորդորել է չկրկնել հետխորհրդային երկրների սխալները, որոնք փորձում էին Ռուսաստանից ստանալ այն ամենը, ինչ կարելի է ստանալ, և միաժամանակ ամեն ինչ ստանալ Եվրոպայից:
«Ղարաբաղյան վերջին պատերազմի ժամանակ իմ աշխատասենյակում բառացիորեն ամեն շաբաթ Հայաստանի խորհրդարանի պատգամավորներ կային, որոնք ասում էին. «Խնդրում եմ` զանգեք, ասեք, մի բան արեք, Ռուսաստանի նախագահի հետ խոսեք։ Մեր տղաները մահանում են, դագաղներով բերում են ճակատից»։ Իսկ այսօր այդ պատգամավորներն այլևս չկան, ընդհանրապես չկան, ոչ ոք չկա։ Հիշեցնեմ, որ հենց Վլադիմիր Պուտինը դադարեցրեց արյունալի պատերազմը», — ընդգծել է Պետդումայի փոխխոսնակը։
Աղբյուր՝  alphanews.am