Քաղբանտարկյալ Գրիգորի Խաչատուրովն ազատ կարձակվի

Վերաքննիչ քրեական դատարանը քիչ առաջ ՀՀ ԶՈՒ գլխավոր շտաբի նախկին պետ Յուրի Խաչատուրովի նկատմամբ խափանման միջոց ընտրված կալանքը փոխարինեց գրավով եւ կիրառեց վարչական հսկողություն։ 
Այս մասին հաղորդում է News.am-ը, հիշեցնելով, որ Գրիգորի Խաչատուրովին մեղադրանք է առաջադրվել` ՀՀ քրեական օրենսգրքի 190-րդ հոդվածի 3-րդ մասի 1-ին եւ 3-րդ կետերով (փողերի լվացում, որը կատարվել է առանձնապես խոշոր չափերով եւ պաշտոնեական դիրքն օգտագործելով)։
Վարույթի շրջանակում մեղադրանք է ներկայացվել ՀՀ պաշտպանության նախկին նախարար Սեյրան Օհանյանին` ՀՀ քրեական օրենսգրքի 179-րդ հոդվածի 3-րդ մասի 1-ին կետով եւ 3 դրվագ 308-րդ հոդվածի 2-րդ մասով (առանձնապես խոշոր չափերով գույքի վատնում եւ պաշտոնեական լիազորությունների չարաշահում, որն անզգուշությամբ առաջացրել է ծանր հետեւանքներ):
Կառավարությանն առընթեր անշարժ գույքի կադաստրի պետական կոմիտեի նախկին նախագահ Մանուկ Վարդանյանին մեղադրանք է առաջադրվել ՀՀ քրեական օրենսգրքի 308-րդ հոդվածի 2-րդ մասով (պաշտոնեական լիազորությունների չարաշահում, որն անզգուշությամբ առաջացրել է ծանր հետեւանքներ)։ Մեղադրանք է ներկայացվել նաեւ «Մոսթոն Ինժիներինգ» ընկերության տնօրեն Դավիթ Գալստյանին՝ ՀՀ քրեական օրենսգրքի 178-րդ հոդվածի 3-րդ մասի 1-ին կետով եւ 325-րդ հոդվածի 1-ին մասով (առանձնապես խոշոր չափերով խարդախություն եւ փաստաթղթի կեղծում) եւ եւս 9 անձի:
--
Անկախ այն բանից, թե ինչեր են «կարվել» Գրիգորի Խաչատուրովին վերագրվող «գործում», ակնհայտ է, որ սա թիրախավորված քաղաքական հետապնդում է չպարտված ու հեղինակություն ունեցող մարտական հրամանատարի դեմ, ինչպես իր, այնպես էլ եղբոր և հոր՝ զորահրամանատար Յուրի Խաչատուրովի հայացքների ու հայտարարությունների հետ կապված: 
Zham.am