«Մեր առաքելությունն է՝ լինել հայամետ». Հարություն Հարությունյան (տեսանյութ)

«5-րդ ալիք»-ի գործադիր տնօրեն Հարություն Հարությունյանն անդրադարձել է լրատվամիջոցի հնգամյա գործունեությանը ու մասնավորապես նշել. «Արցախը մեր մի կտորն է, մեր եթերի կարեւորագույն մասնիկն է եղել, բայց Արցախի հետ աշխատելն էլ բարդ էր. 44-օրյա պատերազմից մոտ 20 օր առաջ «5-րդ ալիք»-ի եթերն Արցախում դադարեցրին»:
Հարություն Հարությունյանը նաև նկատել է. «Մեր սեփականատերը, այո՛, երկրորդ նախագահի մանկության ընկերն է, ես նույնիսկ լսել եմ, որ մեզ կապել են նաեւ երրորդ նախագահի հետ, ես չէի ամաչի, եթե մեզ նույնիսկ առաջին նախագահի հետ կապեին, որովհետեւ առաջին, երկրորդ եւ երրորդ նախագահների օրոք մենք ապրել ենք հպարտ երկրում»: 
Ինչ վերաբերում է «5-րդ ալիքի» արտաքին կողմնորոշումներին, ապա գործադիր տօրենը նկատել է. «Մենք երբեք ռուսամետ չենք եղել, մենք ո՛չ ռուսամետ ենք, ո՛չ եվրոպամետ, ո՛չ ամերիկամետ, մենք Հայաստանի Հանրապետության լրատվամիջոց ենք եւ մեր առաքելությունն է՝ լինել հայամետ»:
--
Մեր կողմից. սրտանց շնորհավորում ենք «5րդ ալիքի» մեր գործընկերներին և մաղթում բարեհաջող ընթացք դեպի նոր հնգամյակներ, հասկանալի է՝ այժմյան չարիքից հնարավորինս շուտ ձերբազատված Հայաստանում: