Կտրուկ անկում․ «Հայաստան» Համահայկական հիմնադրամին հանգանակությունները՝ 2018-2023թթ․․ ինֆոգրաֆիկա

 «Քեզ համար, Հայաստան» խորագրի ներքո 2023թ․ նոյեմբերի 23-ին տեղի ունեցավ «Հայաստան» համահայկական հիմնադրամի 26-րդ հեռուստամարաթոնը, որի ընթացքում այս պահի դրությամբ հավաքագրվել է շուրջ 8,4 միլիոն ԱՄՆ դոլար և նվիրատվության խոստում:
Նշենք, որ նախորդ տարի հավաքագրվել էր 11 միլիոն ԱՄՆ դոլարից ավելի: Ստորև մենք ներկայացնում ենք հիմնադրամի հավաքագրումները վերջին վեց տարիների ընթացքում: Նշենք, որ Նիկոլ Փաշինյանը իշխանափոխությունից հետո հայտարարել էր, որ այսուհետ սա լինելու է համահայկական բյուջե և ստեղծվել են համախմբման համար հիանալի հնարավորություններ:
Այսպես, 2018-ին հանգանակվել է 14 միլիոն ԱՄՆ դոլարից ավելի գումար, 2019-ին 11 միլիոն ԱՄՆ դոլար, 2020-ին այդ թիվը կազմել է 22 միլիոն դոլար, իսկ 2021-ին գրեթե կրկնակի քիչ է հավաքվել՝ մոտ 12 միլիոն ԱՄՆ դոլար:
Հիշեցնենք, որ 44-օրյա պատերազմի օրերին հիմնադրամին հանգանակված գումարներից մոտ 107 մլն դոլար փոխանցվեց ՀՀ պետական բյուջե, ինչը բազմաթիվ հարցեր առաջացրեց: Մինչև հիմա էլ չի տրվել կոնկրետ բացատրություն, թե ինչի վրա են ծախսվել այդ գումարները:

Աղբյուրը՝ yerevan.today