Բնակիչները ահազանգում են, որ տարվա մեջ կոյուղագծերը նորմալ աշխատում են ընդամենը 10-15 օր (տեսանյութ)

Տիգրան Ավինյանին,
Երևանի ավագանու «Մայր Հայաստան» խմբակցության ավագանու անդամ Գևորգ Ստեփանյանից
ՀԱՐՑՈՒՄ
Հիմք ընդունելով «Տեղեկատվության և ազատության մասին» ՀՀ օրենքի 6-րդ հոդվածը, պահանջում եմ համապարփակ և հիմնավոր տեղեկատվություն Շիրակի փողոցի կոյուղագծերի վերաբերյալ։
Բնակիչները ահազանգում են, որ տարվա մեջ կոյուղագծերը նորմալ աշխատում են ընդամենը 10-15 օր, որովհետև հիմնականում խցանված են և կոյուղագծերի ողջ պարունակությունը բակում հոսում է, որտեղ մանկահասակ երեխաներ են քայլում, խաղում։ Էպիդեմիոլոգիական վիճակի վտանագվորությունը հատում է հնարավոր թույլատրելիի սահմանը։
Հարցմանը կցում եմ նաև հնարավորինս մեղմ վիճակի տեսաձայնագրությունը Շիրակի 66 բազմաբնակարան շենքի կոյուղագծի ներկայիս իրավիճակի մասին, որպեսզի հասկանալի լինի, թե կոնկրետ ինչպիսի՞ խայտառակ վտանգավոր էպիդեմիոլոգիական վիճակում է Շիրակի փողոցի կոյուղագիծը։
23 նոյեմբերի, 2023 թվականք․ Երևան
Երևանի ավագանու «Մայր Հայաստան» խմբակցության ավագանու անդամ Գևորգ Ստեփանյանի ֆեյսբուքյան էջից