Հարավային Կորեայի բնակիչը միլիոնատեր է դարձել՝ սիրեկանների համար բջջային հատուկ հավելված ստեղծելով

Հարավային Կորեայի բնակիչ Լի Սու Ջինը բջջային հատուկ հավելված է ստեղծել, որը հնարավորություն է տալիս սիրեկաններին մեկ ժամով հյուրանոցային համար ամրագրել:

Ինչպես տեղեկացնում է  «The Economic Times»-ը, Սու Ջինը ծնվել է աղքատ ընտանիքում, և փոքր տարիքում կորցրել է իր ծնողներին: Արդյունքում՝ երեխան ստիպված էր ապրել այս կամ այն բարեկամի մոտ: 23 տարեկան հասակում նա ընդունվել է մեկ ժամով համարներ տրամադրող հյուրանոցներից մեկը, որը գտնվում էր իր տնից ոչ հեռու և կայուն աշխատավարձ էր առաջարկում: Աշխատելով հյուրանոցում Սու Ջինը սկսել է ուսումնասիրել գաղտնի հանդիպումների համար նախատեսված հյուրանոցային ոլորտը, և 2005թ.-ին ստեղծել է իր հայտնի  «Yanolja» հավելվածը, որի շնորհիվ տղամարդն արդեն իսկ աշխատել է  547 մլն դոլար:

Սու Ջինը պատմել է, որ, ստեղծելով հավելվածը, ցանկացել է անել այնպես, որ մեկ ժամով համարներ տրամադրող հյուրանոցներն ավելի բաց դառնան և այլևս չընկալվեն որպես դավաճանության և անպարկեշտության վայր:

Այժմ «Yanolja» համակարգում գրանցված են 17 հազարից ավել հյուրանոցներ, և հավելավածի օգտատերերը կարող են ոչ միայն ամրագրել համարները հենց սմարթֆոնից, այլ նաև նկարների միջոցով ընտրել իրենց բավարարող համարը:

Աղբյուրի փոխանցմամբ՝ ընկերությունում աշխատում է 350 մարդ, և 2017 թվականին «Samsung Electronics Co» նախկին տնօրենը հավելվածի զարգացման համար 62 մլն դոլար է տրամադրել: 

Zham.am