Երևանի ավագանու Մայր Հայաստան խմբակցության անդամները հանդիպել են Էրեբունի վարչական շրջանի բնակիչների հետ. Լուսանկարներ

Երևանի ավագանու «Մայր Հայաստան» խմբակցության անդամները հանդիպել են Էրեբունի վարչական շրջանի բնակիչների հետ Նոյեմբերի 17-ին Էրեբունի վարչական շրջանում բնակիչների հետ հանդիպման և շրջայցի ընթացքում «Մայր Հայաստան» խմբակցության ավագանու անդամների հետ քննարկվել են համապետական նշանակության, ինչպես նաև տեղական խնդիրներ, մասնավորապես՝

-կոյուղագծերի,

-բազմաբնակարան շենքերի սեյսմակայունության,

-աղբամանների սակավության,

-խմելու ջրի որակի վտանգավորության,

-դիտահորերի,

-թերի ասֆալտապատման,

-թափառող շների։

Մայրաքաղաքի բնակիչների հետ հանդիպումները լինելու են շարունակական: «Մայր Հայաստան» խմբակցությունը հետևողական է լինելու քաղաքացիների բարձրաձայնած խնդիրների լուծմանը։ «Մայր Հայաստան» դաշինքի լրատվական ծառայություն #ՄայրՀայաստան