Գարիկ Գալեյանի առողջական վիճակով պայմանավորված՝ դատը հետաձգվել է

«Որդիների կանչ» ՀԿ ֆեյսբուքյան էջում հրապարակված հայտարարությունից տեղեկանում ենք, որ Գարիկ Գալեյանի առողջական վիճակի պատճառով, վաղը նախատեսված դատական նիստը հետաձգվել է:«Հարգելի հայրենակիցներ, տեղեկացնում ենք, որ Գարիկ Գալեյանի առողջական խնդիրների պատճառով վաղը` նոյեմբերի 15-ին կայանալիք դատական նիստը հետաձգվել է անորոշ ժամանակով։ Դատական հաջորդ նիստի վերաբերյալ լրացուցիչ կտեղեկացնենք։ Հերոսի հորը մաղթում ենք առողջություն և շուտափույթ ապաքինում»։
Հիշեցնենք, որ քաղբանտարկյալ Գարիկ Գալեյանն օրերս պայմանականորեն հայտնվեց ազատության մեջ: Ավելի ճիշտ, փաշինյանական դատարանը զոհվածի հոր նկատմամբ խափանման միջոցը փոխեց՝ նշանակելով տնային կալանք: Իշխանության հրահանգով փաշինյանական դատարանը միտումնավոր ըալանքի որոշում էր տվել, հրաշալի իմանալով Գարիկ Գալեյանի վատառողջ լինելու մասին: Չնայած դրան, իշխանությունները կանխամտածված կալանքի տակ պահեցին զոհվածի հորը, ամենայն հավանականությամբ, նպատակ ունենալով կյանքից զրկել նրան, ինչպես, օրինակ, անուղղակիորեն սպանեցին Արմեն Գրիգորյանին:

Սա՛ է Եվրամիության պաշտելի ժողովրդավարության ծղրտոցը՝ քաղբանտարկյալներ, խոշտանգումներ, մահեր...: Դրա՛ համար են եվրոպաներում հոտնկայս ծափահարում մեկին, ում անունն այստեղ հիշատակելը վիրավորական է անգամ: 
 Zham.am