Տեղի է ունեցել արտահոսք Փաշինյանի եւ իր տերերի խոսակցությունից, ես էլ որոշել եմ այն ձեզ ներկայացնել. Աննա Մկրտչյան (տեսանյութ)

ԱԺ հայտարարությունների ժամին իր ելույթում «Պատիվ ունեմ» խմբակցության պատգամավոր Աննա Մկրտչյանը գեղարվեստական ոճով ներկայացրեց մի «հեղեկատվական արտահոսք», նշելով, որ այն արտացոլում է  «Նիկոլ Փաշինյանի և իր տերերի խոսակցությունը»: Ապա պատգամավորն ընթերցեց. 
«Նիկոլն ասում է՝ տերեր ջան, ինձ ասում էինք՝ ձեր ասածներն անելով աթոռս ավելի ամրանալու է: Ուղիղ հակառակն է, աթոռս, ոնց որ, ավելի թուլանում է ամեն հաջորդ քայլով:
Չեք հիշո՞ւմ ինչից սկսվեց, լիֆտի մեջ Ալիեւին խնդրեցի՝ չկրակի, որ  նախկինններին հաղթել կարողանամ եւ ձեր բոլոր հրհանգները կատարեմ: Այն ժամանակ հեշտ համաձայնեց, ամեն ինչ լավ ստացվեց, ես էլ մտածեցի՝ Ալիեւը կառուցողական է ու կիրթ, որ ամեն ինչ այդպես հեշտ ու հանգիստ անցնելու է: հետո ասացիք՝ հիշո՞ւմ ես չէ՞, ինչի ես եկել իշխանության: Ասեցի՝ հա, իհարկե, հիշում եմ, չեմ մոռացել, Արցախը կտամ, որ հանգիստ ապրեմ: Կեսը պատերազմով, էն մի կեսը՝ առանց պատերազմի, գրավոր, բանավոր, կարեւոր չի, ամեն ինչ կկազմակերպեմ:
Հետո ասեցիք՝ բլոկադա, դա էլ եղավ, մի քանի տասնյակ արցախցի սովամահ էլ եղավ: Հետո ասեցիք՝ ասա Արցախը Ադրբեջան է: Ասացի՝ իհարկե, Ադրբեջան է: Հետո Արցախը 2 օրվա մետ 120 հազարից դատարկեցի, անգամ  դուք մնացիք զարմացած: Դե Արցախի ղեկավարության մասով էլ՝ ըստ մեր պայմանավորվածության:
Հետո ասացիք՝ արի Գրանադա, աթոռդ վերջնական պնդացնենք, քանի որ Ալիեւն էլ չի գալիս: Դա էլ չօգնեց:Ասեցիք՝ լավ, մի անգամ էլ Բրյուսել արի ու գնա հավերժ իշխի Հայաստանում: Էլի չեղավ:
Էս տեմպերով ես երկար չեմ ձգի էս աթոռին: Հասկացա, գնահատում եմ, թողել եք՝ հայերի գլխին ինչ ուզում՝ կազմակերպում եմ, ամեն ինչ չնկատելու եք տալիս:
Ստատուսի, լայվի, լայքի համար բոլորին փակում եմ: հենա մի 50-ին փակել եմ, էլի կավելացնեմ: Կրակել էլ են հայերի վրա: Ոստիկաններն ու ախռանիկներն էլ ձեր շնորհիվ շատացնում ու շատացնում եմ: Բայց դա էլ է քիչ:
Ոնց հասկանում եմ՝ էս խաղաղության պայմանագիրն էլ առանց խաչմերուկի հորինելու ինձ չի փրկի: Գնամ մի հատ Վրաստանում սրա մասին կխոսեմ, գնամ Ֆրանսիա, գոնե նոյեմբերի 9-ին էլ Հայաստանում չեմ լինի:
Բայց մեկ է, աթոռս թուլանում ու թուլանում է»,-ասաց Աննա Մկրտչյանը:
Այնուհետեւ նա ներկայացրեց «տերերի պատասխանը». «Նիկոլ, լավ չի լսվում, կապդ վատն է, ձայնդ էլ կտրտվում է, տեղդ անհրաժեշտ է փոխել»:
Աղբյուր՝ News.am