«Գրքի երևանյան առաջին փառատոնը» մեկնարկում է

Ս. թ. նոյեմբերի 24-ին, ժամը 15:00-ին, Հանրապետության Հրապարակի նախկին Կառավարական 2-րդ տանը /ՀՀ ԱԳՆ-ի նախկին շենք/ տեղի կունենա «Գրքի երևանյան առաջին փառատոնի» պաշտոնական բացման արարողությունը:

«Գրքի երևանյան առաջին փառատոնի» նպատակը հայ ժամանակակից գրականությունն ընթերցողին ավելի ճանաչելի և ընդունելի դարձնելն է, գրող-հրատարակիչ-ընթերցող շղթայի ամրացումը, նոր հրատարակությունների մասին տեղեկատվությունն առավել հասանելի դարձնելը: Փառատոնի շրջանակում կիրականացվեն մի շարք միջոցառումներ:
Տար­բեր հրա­տա­րակ­չու­թյուն­ների հնա­րա­վո­րու­թյուն կտրվի ցուցադրելու և վաճառելու իրենց հրատարակած գրքերը։ Կգործեն զեղչեր: Գրքի էքսպոն բաց կլինի փառատոնի 3 օրերին` առավոտյան 10-ից մինչև 21:00-ն:

Կանցկացվի վար­պե­տու­թյան դասընթացներ, որի ընթացքում ստեղ­ծագործողները կտեղեկա­նան, թե ինչ ծրագրերի համար իրենց կարող է աջակցել մշակույթի նախարարությունը, ինչպիսի ձևավորմամբ մատուցել գիրքը, ինչ­պես օգտվել միջազգային հնարավորություններից, ինչպես համագործակցել հրատարակչությունների և գրական գործակալների հետ և այլն։

Ընթերցանություն և ան­տիպ գործերի մրցույթը կազմում է նախագծի հիմնական մասը։ Ծրագրի շրջանակում հայտարարվել է մրցույթ. մասնակցության հայտ են ներկայացրել բոլոր ցանկացողները՝ առանց տարիքային սահմանափակման։ Հայ ժամանակակից գրականության մրցութային ուղղու­թյուններն են՝ «Արձակ», «Պոեզիա», «Դրամատուրգիա», «Մանկապատանեկան գրականություն»:

Մանրամասների համար այցելել՝ http://www.bookfest.am/bookfestopening/: