Ադրբեջանում ծնված Արմեն Գրիգորյանը պատրաստ է Ադբեջանի հետ խաղաղության, իսկ Հայաստանը կհասցնի վերջնակետին

«Կար պլանավորված հանդիպում առաջնորդների մակարդակով, որը պետք է տեղի ունենար հոկտեմբերի վերջին, Հայատանը  պատրաստակամություն էր հայտնել գալ այդ հանդիպմանը, բայց, ցավոք, հանդիպումը տեղի չի ունեցել։ Մենք հույս ունենք, որ մոտ  ապագայում դա հնարավոր կլինի»,- ինչպես հաղորդում է News.am-ը, այս մասին նոյեմբերի 10-ին, «Հայաստանի ռազմավարական ապագան. ՀՀ-Եվրոպա» խորագրով համաժողովին ասել է Փաշինյանի անվտանգության խորհրդի քարտուղար Արմեն Գրիգորյանը։
«Հայաստանը պատրաստ է Բրյուսելում եռակողմ հանդիպմանը։ Հայաստանը պատրաստ է խաղաղության։ Մենք մանդատ ենք ստացել խաղաղության հաստատաման համար։ Մենք այս պահին ուզում ենք, որ հստակեցվի Հայաստանի ու Ադրբեջանի միջև սահմանը, հրապարակային հաստատվի 29,800 քառակուսի կիլոմետր ՀՀ տարածքային ամբողջականությունը, ապաշրջափակումը տեղի ունենա չորս սկզբունքների հիման վրա։
Սրանք կարևոր սկզբունքներ են, որոնց շուրջ մենք պատրաստ ենք բանակցություններն ավարտին հասցնել, ինչպես նաև լուծել հումանիտար բոլոր այն խնդիրները, որոնք կան։ Կարևոր հարցերից մեկը գերիների վերադարձն է ու խաղաղության հաստատումը։
Հայաստանը պատրաստ է այս օրակարգով շարունակել բանակցությունները, գալ Բրյուսել, հասնել վերջնակետի ու կնքել խաղաղության պայմանագիրը», - ընդգծել է Փաշինյանի  անվտանգության խորհրդի քարտուղարը։
Նկատենք, որ Արմեն Գրիգորյանը ներկայացնում է մի իշխանություն, որը ուրացել է Արցախը, այն ճանաչում է Ադրբեջանի անբաժանելի մաս: Ըստ այնմ, Արմեն Գրիգորյանը որոշակի առումով ադրբեջանցի է, քանի որ նա ծնվել է Ադրբեջանի տարածքում կամ ավելի պարզ՝ Ադրբեջանում: Ինչ վերաբերում է «վերջնակետ»-ին, ապա այս հարցում արդեն գրեթե ոչ մի կասկած չկա. Արմեն Գրիգորյանը, իր շեֆ Նիկոլ Փաշինյանը, անկասկած, Հայաստանը կհասցնեն վերջնակետին: