Նոյեմբերի 9-ը ցավի ու այդ ցավը ցասման փոխակերպելու օր է

ՀՀԿ ուսանողական և երիտասարդական կառույցները կազմակերպել են լուռ երթ Սուրբ Աննա կաթողիկե եկեղեցու մոտից։
«Լուռ երթը տեսանելի կերպով հատ առ հատ կներկայացնի բոլոր այն բնակավայրերն ու կոթողները, որոնք մենք կորցրել ենք Ադրբեջանի ագրեսիայի ու Հայաստանի՝ այսպես կոչվածիշխանությունների դավաճանական գործողությունների հետևանքով»,-Panorama.am-ի հետ զրույցում հայտնել է «Պատիվ ունեմ» խմբակցության ղեկավար Հայկ Մամիջանյանը։
Նրա խոսքով, այդ բնակավայրերի ու կոթողների անունները դաջված են յուրաքանչյուր հայի սրտում։
«Դրանք բաց վերք են։ Արնաքամ վերքի հատուցումն իրեն չի ուշացնի»,-ասաց նա՝ ընդգծելով, որ նոյեմբերի 9-ը ցավի ու այդ ցավը ցասման փոխակերպելու օր է։
Նրա խոսքով՝ այն բնակավայրերը, որոնց անուններով պաստառներն ակցիայի մասնակիցներն իրենց ձեռքերում պարզած տանում են, դաջված են յուրաքանչյուր հայի սրտում:
«Եթե ինչ-որ դավաճանների, մարգինալների խմբակ որոշել է դրանք մեր սրտից մաքրել, ապա մենք իրենց կմաքրենք մեր հայրենիքից»,-հայտարարեց Մամիջանյանը:
Նրա խոսքով՝ իշխանություններն այնպես չեն պհում իրենց, որպեսզի համոզիչ լինի, որ Հայաստանն իրենց հայրենիքն է:
Ընդդիմադիր պատգամավորը չհամաձայնեց դիտարկմանը, թե վերջին տարիների բողոքի ակցիաների թուլության, անարդյունավետության մեջ մեղավոր է ժողովուրդը:
«Իրավիճակը, որն ապրում ենք, ցավի շոկ կարելի է անվանել և յուրաքանչյուրն այդ շոկից դուրս է գալիս տարբեր արագությամբ: Դեմ եմ քաղաքացիներին, կամ որևէ մեկին մեղադրելուն, մենք առաքելություն, անելիքներ ունենք և կկատարենք այդ պարտքը»:
Մանրամասները՝ տեսանյութում։