Մանրամասներ` տեղահանված արցախցիների` կենսաթոշակ ստանալու կարգի վերաբերյալ
Լեռնային Ղարաբաղից բռնի տեղահանված հայրենակիցները կշարունակեն ունենալ կենսաթոշակի և նպաստի իրավունք, եթե կբավարարեն ՀՀ օրենսդրությամբ սահմանված պահանջներին: Այս մասին այսօր Հումանիտար կենտրոնի ուղիղ եթերի ժամանակ ասել է աշխատանքի և սոցիալական հարցերի նախարար Նարեկ Մկրտչյանը:
Tert.am-ը փոխանցում է նրա ասածը. «Նշեմ նաև, որ Լեռնային Ղարաբաղում կենսթոշակ կամ նպաստ ստացած լինելու հանգամանքից անկախ ԼՂ-ից բռնի տեղահանված անձինք ՀՀ-ում կենսաթոշակ կամ նպաստ ստանալու իրավունք ձեռք կբերեն: Մենք օրենսդրական նախագիծ ենք մշակում, ըստ որի, բոլոր նրանք, ովքեր ԼՂ-ում ունեցել են կենսաթոշակի իրավունք, կշարունակենք նրանց տրամադրել կենսաթոշակներն ու նպաստները: Իսկ բոլոր նրանք, ու կենսաթոշակ ստանալու տարիքը լրացել է ՀՀ-ում, պետք է դիմեն Միասնական սոցիալական ծառայության համայնքային տարածքներ»,- ասել է նա:
Նա նաև նշեց, որ կարևոր պայման է Հայաստանի Հանրապետության հասցեում գրանցված լինելը, որպեսզի կարողանան ստանալ կենսաթոշակը:
Հետևեք մեզ Facebook-ում