Արցախցի զինվորականները Փաշինյանից թոշակ են խնդրում

Հայաստանի զինված ուժերը կազմված էին Արցախի պաշտպանության բանակից եւ այն բանակային կորպուսներից, որոնք գտնվում են անմիջականորեն ՀՀ ՊՆ-ի ղեկավարության ներքո.
Ինչպես հաղորդում է News.am-ը, նոյեմբերի 6-ին, աշխատանքի և սոցիալական հարցերի նախարարության դիմաց բողոքի ակցիայի ժամանակ նշել է ՊԲ պահեստազորի սպաներից մեկը:Նրա խոսքով՝ Արցախի պաշտպանության բանակն, ըստ էության, կազմում էր Հայաստանի զինված ուժերի սիրտը, որովհետեւ ամենից մեծաքանակն էր, ամենամեծ ուշադրությունը ՊԲ-ի վրա էր: 
Ակցիա իրականացնող արցախցիները պահանջում են իրենց թոշակների վճարումը: «ՊԲ-ն հիմնական հարվածի ուղղության վրա էր, ամենավտանգված տեղամասն էր, դրա համար ՊԲ զինծառայող լինելը մի քիչ ավելի պատվաբեր էր համարվում: Հայաստանի բոլոր քաղաքացիները, որոնք իրենց ժամկետային ծառայությունն անցել են Արցախի ՊԲ-ում, իրենք իրենց ծառայության ժամկետն ավելի պատվով ու փառքով են նշում:
Հիմա եթե մենք մեր սպաների ծառայությունն արհամարհում ենք, հետագայում կարո՞ղ է օրենք հանեն եւ այդ զինվորների երկու տարվա ծառայությունը համարեն զրո: Այսինքն համարվի, որ նրանք պարտադիր զինծառայություն չեն անցել, քանի որ դա անցել են Արցախի ՊԲ-ում:
Այստեղ բոլորը պահեստազորի սպաներ են: Մենք հիմա բազում դժվարությունների առջեւ ենք՝ վարձու բնակարաններ, աշխատանքի փնտրտուք, երեխաների ուսում: Այս ամենը սոցիալական խնդիրներ են, բա մենք առնվազն 20-ամյա ծառայություն ենք անցել, որ հետագայում դրա դիմաց մեզ վարձատրեն: Ես ուսում եմ ստացել Վազգեն Սարգսյանի անվան ինստիտուտում, այնտեղ կնքել եմ պայմանագիր, որ այսքան ծառայության դիմաց անցնելու ես թոշակի: Ես իմ ծառայությունն անցել ու ավարտել եմ պատվով, կրթվել եմ պատվով: Հիմա մեր 20 տարվա ծառայությունը դարձել է զրո, ինչո՞ւ եք արհամարհում մեր ծառայությունը: Ստացվում է, որ եթե այն ժամանակ պետք էինք, համարվում էինք ՀՀ ԶՈՒ զինծառայող, իսկ հիմա ոչ»,- ասաց նա:
Բողոքի ակցիայի ուղիղ հեռարձակմանը կարելի է հետևել Aysor.am-ի յութուբյան ալիքի հղումով
https://www.youtube.com/watch?v=Xn_g6pALz6c

---
Մեր կողմից նկատենք, որ բողոքի ակցիա անողները հատուկ ու մի քանի անգամ շեշտում էին, որ իրենց ակցիան հակապետական չէ, իշխանության դեմ չէ: Մի խոսքով՝ ծանոթ պատկեր է՝ հանկարծ չքաղաքականացնեք, հանկարծ չմտածեք, թե «եիրելի, աննման, ժողովրդի հայր ու չգիտեսթեէլինչ Նիկոլ Փաշինյանին բան ենք ասում», մենակ թե՝ «մեր փողը տվեք», որ ձեն չհանենք: