«Բժիշկ կանչեք, այստեղ մարդ է վատացել». թեժ լեզվակռիվ՝ պատգամավորների միջև (տեսանյութ)

ԱԺ-ում 2024 թվականի պետական բյուջեի քննարկման ժամանակ «Հայաստան» խմբակցության պատգամավոր Արեգնազ Մանուկյանը զեկուցող ՄԻՊ Անահիտ Մանասյանին հարցրեց քաղբանտարկյալների մասին։ Ինչպես հաղորդում է Tert.am-ը, Արեգնազ Մանուկյանը նշեց, որ քաղբանտարկյալներից մեկի՝ հանրության շրջանում հայտնի Տաթև Արցախի ինքնազգացողությունը բանտում արդեն երկրորդ անգամ վատացել է և, չնայած առողջական խնդիրներին, նա ապօրինաբար կալանքի տակ է։ 
Մինչև Անահիտ Մանասյանը կարձագանքեր, տեղից հարցին անդրաձարձավ ՔՊ պատգամավոր Գևորգ Պապոյանը։
Ավելի ճիշտ է ասել, որ Պապոյանը «վատացավ», որովհետև բավականին տգեղ պահվածքով անմիջապես խոսքերով հարձակվեց ընդդիմադիր պատգամավորի վրա, սկսեց անձնական վիրավորանք պարունակող արտահայտություններ անել թե՛ Տաթևիկ Վիրաբյանի հասցեին, թե՛ առհասարակ, բոլոր քաղաքացիների, ովքեր Փաշինյանի ու նրա իշխանության դեմ են:
«Մեր ոստիկանությունը կշարունակի իրեն նույն կերպ պահել այն լկտիների հետ, ովքեր մեր քաղաքացիների ավտոմեքենաներն են ջարդում։ Այո, այդ լպիրշներին և լկտիներին պետք է տապալել գետնին։ Ամոթ ձեզ դուք նրանց շահերի պաշտպանն եք»,- դիմելով Մանուկյանին՝ հայտարարեց իշխանական պատգամավորը։
Ավելին՝ նիկոլական պատգամավորը կոպտորեն ոտնահարեց օրենքը և մարդուն հանիրավի անվանեց հանցագործ, էլ ավելին՝ մարդուն վերագրեց արարքներ, որոնք նա չի արել, որոնցում նրա մեղավորությունը չի ապացուցվել, դատարանում չի հաստատվել: Գևորգ Պապոյանը շարունակեց իրեն լկտի ու անվայելուչ պահել: Արցախն ուրացած, թուրքերին եղբայր ու բարեկամ համարողների իշխանության ներկայացուցիչը, հազարավոր հայ զինվորների մահվան մատնած ինշխանույթան ներկայացուցիչը, «Եռաբլուրը» տասնապատկած իշխանության ներկայացուցիչը, հայերին Արցախից զրկած իշխանության ներկայացուցիչը, ինչ-որ մեքենա քերծելը մատի փաթաթան արած, սկսեց ընդդիմադիր պատգամավորին հանդիմանել, ու... ամոթանք տալ: 
Մարդու իրավունքների պաշտպանի ներկայությամբ իշխանական պատգամավորը, կարելի է ասել, ամբողջ ներկապնակով ցուցադրեց իր ներկայացրած իշխանության մարդատյաց, հակաժողովրդավարական, բռնատիրական, ոստիկանապետական էությունը: 
Արեգնազ Մանուկյանն էլ բավականին դիպուկ հակադարձեց. «Օրենսդիր ամբիոնից եք խոսում, հիստերիկ, մարդ է վատացել, բժիշկ կանչեք...»։
Zham.am
Մանրամասն՝ «Թերթ.ամ»-ի տեսանյութում: