Արմավիրում պատուհանից մուտք են գործել և առևանգել անչափահաս աղջկա

Արտակարգ դեպք է տեղի ունեցել Արմավիրի մարզի գյուղերից մեկում: Ինչպես հայտնում է Shamshyan․com-ը, ՀՀ ՆԳՆ ոստիկանության Արմավիրի մարզային վարչություն է ահազանգել Արմավիրի մարզի գյուղերից մեկի բնակիչ 57-ամյա Բ. Ֆ.-ն և հայտնել, որ իր տան պատուհանից մուտք են գործել ներս և առևանգել իր անչափահաս դստերը:

Ահազանգողը հայտնել է նաև, որ իր համագյուղացի 21-ամյա Հ. Թ.-ն ամուսնության նպատակով առևանգել է իր 16-ամյա թոռնուհուն և տարել անհայտ ուղղությամբ: Ոստիկանության Արմավիրի մարզային վարչություն ու ոստիկանության Արմավիրի բաժնում ձեռնարկվում են անհրաժեշտ միջոցառումներ՝ դեպքի հանգամանքները պարզելու և, ըստ ահազանգողի, առևանգողին ու առևանգվածին հայտնաբերելու ուղղությամբ:

Դեպքի փաստով ոստիկանության Արմավիրի բաժնում փաստաթղթեր են ձևակերպվել, որոնք փոխանցվել են Հայաստանի Քննչական կոմիտեի Արմավիրի մարզային քննչական վարչություն՝ հետագա ընթացքը լուծելու համար: