Այս իշխանությունները դիվանագիտական և քաղաքական առումով անմեղսունակնե՛ր են. Վարդան Օսկանյան (տեսանյութ)

Հայաստանի նախկին ԱԳ նախարար Վարդան Օսկանյանը ֆեյսբուքյան լայվով անդրադարձել է փաշինյանական իշխանության ստեղծած մղձավանջին, մասնավորապես նշել, որ այս իշխանություններ դիվանագիտական ու քաղաքական առումով անմեղսունակներ են: Վարդան Օսկանյանը մասնավորապես նկատել է. «Եթե մենք մեղավոր ենք համարում Ադրբեջանին, որ պատերազմ է սանձազերծել, այո, սանձազերծել է, դա հետեւանք է: Եթե մենք մեղադրում ենք Արեւմուտքին, որ պատերազմի ժամանակ մեզ անտեսեց, արհամարհեց, դա հետեւանք է, եթե մենք մեղարում ենք մեր դաշնակցին, որ մեզ չօգնեց պատերազմի ժամանակ, դա հետեւանք է, եթե մենք մեղադրում ենք Արցախի իշխանություններին, որ փաստաթուղթ են ստորագրել լուծարելու իրենց պետությունը, դա  հետեւանք է:
Իսկապես որ երբ առաջին օրվանից Փաշինյանն ասաց, որ ինքը զրոյական կետից է սկսում, բոլորիս համար ակնհայտ էր, որ պատերազմ է լինելու: Երբ Փաշինյանը շեղվեց Նոյեմբերի 9-ի փաստաթղթի տառից, ոգուց եւ գնաց այլ ուղղություններով, խճճվեց այս հարցերում, ակնհայտ էր, որ Ռուսաստանը երես էր թեքելու: Երբ Փաշինյանը Պրահայում ճանաչեց Արցախը Ադրբեջանի կազմում, ակնհայտ էր, որ մենք Արցախը կորցնելու ենք:  Այն պահին, երբ Փաշինյանը ասեց, որ Հայաստանը կապ չունի Արցախի հետ, Արցախն ինքնուրույն պետք է բանակցի, բոլորի համար ակնհայտ էր, որ Արցախը դատարկվելու է: Եւ ահա այսօր, երբ 100 հազարավոր մեր հայրենակիցներ լքել են իրենց տները, իրենց հողն ու ջուրը, հետեւում թղել են մեր պատմամշակութային հուշարձանները, Հայաստանի իշխանությունները եւ Նիկոլ Փաշինյանը լռում են նրանց վերադառնալու հարցի կապակցությամբ, չի բարձրացվում այդ հարցը, հետեւանքն այն է, որ այս հարցը մեկընդմիշտ փակվում է, ու թաղվում է»:
Վարդան Օսկանյանը կարձում է, որ ելքը մեկն է. կա՛մ այս իշխանությունների մոտեցումներն են հիմնովին փոխվում, որ հույս չունեմ, կա՛մ այս իշխանություններն են հիմնովին փոխվում: «Այլ ելք, ես ուղղակի չեմ տեսնում»,-ընդգծում է նա: 
Տեսանյութը՝ News.am-ի յութուբյան էջից: