Փաշինյանի ՏԿԵ փոխնախարար Հակոբ Վարդանյանի «փառքի 5 րոպեն»

Փաշինյանի տարածքային կառավարման և ենթակառուցվածքների փոխնախարար Հակոբ Վարդանյանը եթե ցանկանում էր հանրահռչակվել, ապա նրան դա հաջողվեց: Երեկ երեկոյան նա սոցցանցերի հայկական տիրույթում ամենից հաճախակի հիշատակված  պաշտոնյան էր: Դաստիարակությունից և ընթերցողների նկատմամբ հարգանքից ելնելով՝ մեջբերումներ չենք անի: Պարզապես կնշենք Հակոբ Վարդանյանի «փառքի 5 րոպեի» շարժառիթը: 
Ինչպես հաղորդում է News.am-ը` հղում անելով EADaily-ին, տարածքային կառավարման և ենթակառուցվածքների փոխնախարար Հակոբ Վարդանյանը Թբիլիսիի «Մետաքսի ճանապարհ» միջազգային համաժողովի շրջանակում ասել է, որ... Հայաստանը պատրաստ է գազ գնել Ադրբեջանից՝ երկրների միջև քաղաքական տարաձայնությունները լուծելուց հետո։ 
«Հակամարտության պատճառով Ադրբեջանից Հայաստան գազի և էլեկտրաէներգիայի մատակարարման դադարեցումը շոկային իրադարձություն էր Հայաստանի գազաէլեկտրական համակարգի համար, քանի որ այն ժամանակ մենք գազ էինք գնում Ադրբեջանից, իսկ հետո սկսեցինք Վրաստանի տարածքով նոր գազատարի շինարարությունը՝ մեր երկիր գազ մատակարարելու համար։ Հուսով եմ, որ մեր տարածաշրջանում խաղաղություն կլինի, և մենք կկարողանանք համագործակցել և դիվերսիֆիկացնել մեր էներգետիկ համակարգերը, ինչպես այն օրերին»,-ասել է փաշինյանական պաշտոնյան: