ԵԽ-ն հրատապ քննարկել է Արցախի հարցին ու հռչակագիր ընդունել

Եվրոպայի խորհուրդը Լեռնային Ղարաբաղի վերաբերյալ հրատապ քննարկում է անցկացրել և հռչակագիր ընդունել։ 
Այս մասին տեղեկությունը հրապարակվել է X սոցիալական ցանցում` «Հայաստանը Եվրոպայի խորհրդում» միկրոբլոգում։
Կոնգրեսը խստորեն դատապարտել է Ադրբեջանի ռազմական գործողությունները, ափսոսանք է հայտնել մարդասիրական հետևանքների համար։
«Կոնգրեսը կոչ է արել ազատ արձակել Լեռնային Ղարաբաղի բոլոր ներկայացուցիչներին, ողջունել է Հայաստանի ջանքերը»,-ասված է հաղորդագրությունում։
Հիշեցնենք, որ ադրբեջանական կողմն ապօրինի կալանքի տակ է պահում Արցախի նախկին պետնախարար, բարերար Ռուբեն Վարդանյանին,
ՊԲ նախկին հրամանատար Լևոն Մնացականյանին,
ՊԲ հրամանատարի նախկին տեղակալ Դավիթ Մանուկյանին,
Արցախի նախկին արտգործնախարար Դավիթ Բաբայանին,
ԼՂ ԱԺ նախագահ Դավիթ Իշխանյանին,
Արցախի նախկին նախագահներ Արկադի Ղուկասյանին,
Բակո Սահակյանին և
Արայիկ Հարությունյանին։

Աղբյուր՝ hraparak.am, լուսանկարը՝ նույն աղբյուրից, հրապարակման հղումը՝ https://hraparak.am/post/6ac3a223b2f9c96bd79b52d3b23ae2ad