Փաշինյանին Պիոս 9-րդ պապի Ասպետական Մեծ Խաչ է տրվել

Փաշինյանը, պարզվում է, Հռոմի պապի համար ասպետ է: Սա անեկդոտ չէ, ոչ էլ սարկազմ: Սա պաշտոնական հաղորդագրություն է, մասնավորապես, Փաշինյանի պաշտոնական կայքից: Ահավասիկ. «Վարչապետ Նիկոլ Փաշինյանն ընդունել է Սուրբ Աթոռի առաքելական նվիրակ Գերաշնորհ Արքեպիսկոպոս Ժոզե Ավելինո Բետանկուրին, ով ավարտում է դիվանագիտական առաքելությունը մեր երկրում:
Հայաստանի և Սուրբ Աթոռի միջև կապերի ամրապնդմանը նպաստելու համար Արքեպիսկոպոս Բետանկուրը վարչապետ Փաշինյանին է հանձնել Հռոմի Ֆրանցիսկոս պապի կողմից շնորհված` Սուրբ Աթոռի բարձրագույն պարգևներից` Պիոս 9-րդ պապի Ասպետական Մեծ Խաչ շքանշանը:
Վարչապետը շնորհակալություն է հայտնել բարձր գնահատանքի համար և ընդգծել ՀՀ կառավարության շահագրգռվածությունը` հետևողականորեն զարգացնելու կապերը Սուրբ Աթոռի հետ: Նիկոլ Փաշինյանն Արքեպիսկոպոս Բետանկուրին մաղթել է հաջողություններ հետագա գործունեության մեջ»:
Փաստորեն, բավարար է Հայ Առաքելական եկեղեցու մի ամբողջ թեմ կործանել, հարյուրավոր եկեղեցիներ, վանքեր ու վանական համալիրներ հանձնել ադրբեջանաթուրքական հրոսակի վանդալային հոշոտմանը, հազարավոր քրիստոնյա հայերի մահվան մատնել, ավելի քան 150 հազարի հայրենազրկել և... խնդրեմ՝ Հռոմի պապը քեզ ասպետ կհռչակի ու Պիոս 9-րդի շքանշան կտա: Ինչպիսի՜ ցինիզմ: 
Zham.am

: