«Ֆեյսբուք» սոցցանցում ծավալվել է ֆլեշ-մոբ՝ ընդդեմ 7-րդ դասարանի Հայոց պատմության դասագրքի

«Ֆեյսբուք» սոցցանցի հայկական «տիրույթում» երեկ ու այսօր ծավալվել է մի ֆլեշ-մոբ
Ժողովուրդ, ես այժմ նախաձեռնում եմ ֆլեշ-մոբ, որի գլխավոր «հերոսը» Սմբատ Հովհաննիսյանի հեղինակած «Հայոց պատմություն» առարկայի 7-րդ դասարանի դասագիրքն է: Ավելի քան 1500 օգտատերեր «կիսվել» են այդ դասագրքի՝ վրան խաչ քաշված նկարով ու պահանջով, որ այն հետկանչվի նախարարության կողմից: 
Ֆլեշ-մոբի նախաձեռնողը «Խատուտիկ» էթնիկ կենտրոնի ղեկավար Լիլիթ Շարբաթյանն է, ում ֆեյսբուքյան գրառմանն էլ արձագանքել են բազմաթիվ այլ օգտատերեր: Լիլիթ Շարբաթյանը հետևյալ գրառումն է արել. «Խնդրում եմ միացեք և դուք էլ ձեր էջերում՝ ձեր անունից տարածեք պահանջը՝ տեղադրելով այս նկարը։
Ես՝ Լիլիթ Սամվելի Շարբաթյանս, ով հանդիսանում է #Խատուտիկ էթնիկ կենտրոնի ղեկավարը՝ պահանջում եմ ՀՀ կրթության, գիտության, մշակույթի և սպորտի նախարարությունից դուրս բերել բոլոր դպրոցներից Սմբատ Հովհաննիսյանի հեղինակած 7֊րդ դասարանի պատմության դասագիրքը։
Այնտեղ խեղաթյուրված է հայոց պատմությունը, կան բազմաթիվ անճշտություններ և սխալներ, բացթողումներ։
Ես դեմ եմ, որ մեր իսկ կրթօջախներում աշակերտներին աղավաղված հայոց պատմություն սովորեցնեն։
Ես պահանջում եմ, որ մեր երեխաներին կրթեն հավաստի աղբյուրներով և դաստիարակեն հայրենասեր և հայրենատեր հասարակություն»։
https://www.facebook.com/lilitsharbatyan/posts/pfbid0HgdAQUJbawa1xm9bwgaG6MJ1QBcCFhuBwmvRSPstNkrec9bYZZnEPS2GYRyNhVuTl