Արցախից տեղահանվածները և՛ փոխհատուցման, և՛ վերադառնալու իրավունք ունեն. Թաթոյան (տեսանյութ)

«Ակնհայտ է, որ Լեռնային Ղարաբաղը լքած մեր հայրենակիցները մեծ արժեքավոր ունեցվածք են թողել։ Տները, մեքենաները, ամեն ինչ մնացել է Ադրբեջանին. Այս գույքն իրավամբ պատկանում է սեփականատերերին, և նրանք և՛ փոխհատուցման, և՛ վերադարձի իրավունք ունեն: Այստեղ ինտեգրումից բացի, ամեն ինչ պետք է արվի վերադարձի իրավունքն ապահովելու համար»,- ասաց Թաթոյանը։
Ինչպես հաղորդում է News.am-ը, նա նաև նկատել է, որ ներկա իրողությունների պայմաններում վերադարձն անհնար է։ «Ադրբեջանն, իհարկե, կարող է թոզ փչել միջազգային հանրության աչքերին, բայց սա խայծ է։ Երբ միջազգային հանրության ուշադրությունը շեղվի, պարզ է, թե ինչ կլինի: Անվտանգության արդյունավետ միջազգային երաշխիքներ են պետք ոչ թե խոսքով, այլ գործով։ Ոչ թե կատարվածի արձագանք, այլ կանխարգելիչ միջոցառումներ։ Մեր դիրքերը կամրապնդվեն, երբ հնարավոր լինի ապացուցել, որ էթնիկ զտումներ են տեղի ունեցել»:
Արման Թաթոյանն ընդգծել է, որ Ադրբեջանի դեմ պատժամիջոցներն անհրաժեշտ են, սակայն առայժմ այդ երկրի իշխող ռեժիմը համոզված է իր լիակատար անպատժելիության մեջ։
Մանրամասն՝  News.am-ի տեսանյութում