Իշխանություններն անձնական անվտանգության և անձնական երաշխքիների հարցն են լուծում

«Հրապարակը» գրում է. «Մենք հիմա հասել ենք մի հանգրվանի, որ Հայաստանում իշխանափոխություն իրականացնելը, իրականում մինիմալ անհրաժեշտ պայման է, բայց փաստ չէ, որ դրա արդյունքում կարող ենք պահել մեր պետականությունը, քանի որ քիչ է, որ դու փոխես իշխանությունը, պետք է կարողանաս ռազմական այնպիսի ընտրություն բերես Հայաստան, որի շնորհիվ դու կկարողանաս պահպանել մեր հայրենիքի տարածքային ամբողջականությունը և ինքնիշխանությունը։ Մենք շատ գործըներներ չունենք, որ կարող են մեզ այս հարցում օգնել։ Հետևաբար, խոսելով իշխանափոխության մասին, շատ հստակ պետք է հասկանանք մեր անելիքները: Այս մասին քիչ առաջ «Հայաստանը՝ իբրև մի մեծ «անկլավ» թեմայով պանելային քննարկման ժամանակ իր ելույթում ասաց քաղաքագետ Բենիամին Մաթևոսյանը։
«Իրականում ես այնքան էլ համոզված չեմ, որ իշխանությունները ուզում են Հայաստանի Հանրապետությունում ժողովրդավարությունը փրկել, իրենք անձնական անվտանգության և անձնական երաշխքիների հարցն են լուծում։ Մենք հիմա գնում ենք մի ճանապարհով, որ ոչնչացնում ենք ներկայիս լավ թե վատ, բայց անվտանգային համակարգը՝ այլընտրանք չունենալով։ Այո, Փաշինյանի ելույթից հետո բոլորը ոտքի կանգած ծափահարում էին, սակայն ուզում եմ հիշեցնել, բոլորը հոտնկայս ծափահարել էին նաև Բելառուսի ընդդիմության առաջնորդ Սվետլանա Տիխանովսկայային։ Ո՞վ է Տիխանովսկայան իրականում։ Տապալված քաղաքական գործիչ։ Ովքեր շատ են ոգևորվում այդ ծափերից, կարծում եմ, նրանք պետք է պատեկան ու քաղաքական որոշակի այլ օրինակներ էլ ուսումնասիրեն»,- ասաց նա։

Բնօրինակ հրապարակումը՝ կարող եք կարդալ այս հասցեով՝ : https://hraparak.am/post/f32cc92132f5197529484193a0fe7510