Փաշինյանի ընտանեկան այցերը. երեք աղջիկներին պաշտոնապես Ստրասբուրգ է տարել (տեսանյութ)

Նիկոլ Փաշինյանն այլևս «տնով-տեղով» է մեկնում պաշտոնական այցերի: Եթե Գրանադա մեկնել էր ավագ դստեր հետ, ըստ որում՝ Նիկոլ և Մարիամ Փաշինյանները մասնակցել էին արքայական պալատում պաշտոնական ընդունելությանը, ապա Ստրասբուրգ գնացել է բոլոր երեք դուստրերի հետ: Աշոտ Փաշինյանին, ինչպես երևում է, ոչ մի տեղ «չի տանում»:
Համենայն դեպս, իր ֆեյսբուքյան էջում նրա իսկ զետեղած տեսանյութի մեջ միայն Փաշինյանի երեք դուստրերն են երևում, իսկ Աշոտ Փաշինյանը կամ Աննա Հակոբյանը չեն երևում: 
Հատկանշականն այն է, որ Փաշինյանը ոչ միայն ընտանեկան այցեր է անում, այլ այն, որ իր տան անդամներին դարձնում է պաշտոնական արարողակարգի մաս: Եվ սա անում է մեկը, ով «նախկին կյանքում», քնում-ելնում, իր թերթոնում հիմնականում ստահոդ բաներ էր գրում այս կամ այն ղեկավարի երեխաների հասցեին: 
Ինչ վերաբերում է իրեն՝ Փաշինյանին, ապա հատկանշական է, որ նրա ֆեյսբուքյան էջում, նրա գրառումների տակ ուղղակի վխտում են ադրբեջանական, թուրքական անուն-ազգանուններով «օգտատերեր», որոնք, կարելի է չկասկածել, միանգամայն անկեղծ ու սրտանց փառաբանում են Փաշինյանին: Մի թուրք նույնիսկ լատինատառ ռուսերենով գրել է, թե՝ «Փաշինյանն իր ժողովրդի պատրիոտն է»: 
Քիչ չեն նաև «հզոր վարչապետ ջան, այ էդպես, դուխո՛վ» ու նման՝ բացարձակ ցինիզմի հասնող «մեկնաբանությունները»: 
Zham.am
https://www.facebook.com/watch/?v=1566057863927940