Հազարավոր մարդկանց ճակատագրեր են խեղվել, դրա պատասխանը ո՞վ պետք է տա. Արկադի Կարապետյան (Դաշնակ Ագո). տեսանյութ

Արցախի ինքնապաշտպանական ուժերի առաջին հրամանատար Արկադի Կարապետյանը News.am-ին տված հարցազրույցում մասնավորապես նշել է, որ Արցախի նախագահ Սամվել Շահրամանյանը պետք ասի՝ ոնց է ինքը ստորագրել (լուծարման հրամանագիրը). «Ինչ ուզում է անի, թող պարզ ասի՝ Փաշինյանն ընդունում է այստեղ, չի ընդունում, ռուսները ստիպել են, չեն ստիպել, թուրքերից վախեցել է, չի վախեցել»: 
Արկադի Կարապետյանն անդրադարձել է նաև այլ խնդիրների, օրինակ, հիմնականում ադրբեջանական քարոզչության կողմից ցուցադրված, իբրև թե՝ «հանձնված զենքի» մեծ քանակություններին, նշելով, որ ինքը չի հավատում, թե այդքան զենք է եղել: Ամեն դեպքում, նա նկատում է, որ կարելի էր ինչ-որ բան կազմակերպել. «Բայց ինչ-որ բան կար, կարելի էր կազմակերպելլ, կարելի էր Շուշին վերցնել, գալ ճանապարհը բացել, օրինակ եմ ասում, չգիտեմ, ես տեղում չեմ եղել: 88 թվին, ես որ այնտեղ էի, նույն էր (զենքի սակավության իմաստով), ես 10 փամփուշտ էի տալիս զինվորին, ուղարկում էի պոստի, եղել է 3-ն եմ տվել: Իսկ հիմա չգիտեմ, այդ բարոյական իրավունքը չունեմ, որ ասեմ ինչի այսպես: Բայց որ կազմակերպվածություն չի եղել, դա կարող եմ ասել, գիտեմ՝ ով ով է, սկզբում գնում են՝ անասունի ֆերման են նայում, նոր են գալիս շտաբ, ինչ ասեմ»:
Հարցին, թե Արցախի նախագահի ստորագրած հրամանագիրը հապճեպ էր, Կարապետյանը պատասխանել է, որ չի կարող ասել, քանի որ միգուցե ժողովրդին հանելու խնդիր է  եղել, այդ պատճառով Շահրամանյանը գոնե հիմա պետք է խոսի:
Անդրադառնալով նախկին նախագահների ձերբակալությանը և գերեվարությանը՝ Կարապետյանն ասել է, որ  դա խայտառակություն է. «Հայերից կսարքեն աշխարհի վերջին «չմո»-ն: Ղեկավար լինեը դա մենակ կայֆավատ չի... Ի՞նչ է նշանակում՝ հանձնվել են, ինչ է նշանակում՝ հանձնվել են, իրավունք չունեին: Խոսելը հեշտ է, բայց ղեկավար լինելն էլ հեշտ չի, հազարավոր մարդկանց ճակատագրեր են խեղվել, դրա պատասխանը ով պետք է տա»:
Մանրամասն՝ News.am-ի տեսանյութում