Կառավարությունը Սնուփ դոգի համերգի համար փող ուներ, իսկ արցախցիների համար՝ ո՞չ

Ադրբեջանագետ Անժելա Էլիբեգովան ֆեյսբուքյան իր էջում հրապարակել է լուանկար ու գրել. «Երբ ձեզ ասում են, որ կառավարությունը հոգում ա տեղահանված արցախցիների բոլոր խնդիրները, ուղղակի նայեք այս նկարին կամ եկեք Երվանդ Քոչար 5 մի 15 րոպե կանգնեք, շփվեք մարդկանց հետ։ Ռեալ մարդկանց, Հ1-ի Հայաստանից դուրս նետված հազարավոր մարդկանց հետ»։
Լուսանկարում պատկերված է Աշտարակում գտնվող մարզադահլիճ, որը «հարմարեցված» է որպես Արցախից բռնի տեղահանված մոտ հարյուր մարդու համար նախատեսված ժամանակավոր կացարան: Այն ավելի շուտ հոսպիտալի տպավորություն է թողնում: Ծավալված քննարկումներից մեջ նշվում է նաև, որ այդ դահլիճ-կացարանն էլ անհատներ են կազմակերպել, այսինքն՝ պետական կառույցները դրանով անգամ չեն զբաղվել: 
Այն ֆոնի վրա, որ ամեն օր տեղեկություններ են շրջանառվում, որ այս կամ այն պետությունը ակմ միջազգային կառոույցը այսքան ու այքան միլիոն դոլար է հատկացրել Արցախից բռնագաղթած մարդկանց օգնելու նպատակով, տարակուսանք է հարուցում, թե Նիկոլ Փաշինյանի կառավարությունն ինչ է անում այդ գումարները, որ տարբեր հաշվարկներով, հանրագումարում արդեն հասնում են մի քանի տասնյակ միլիոն դոլարի: Այդ ամենը, ինչպես նաև իշխանական շրջանակների կամ նրանց հարող ֆեյսբուքյան «շրջանառիչների» միջոցով Արցախից բռնագաղթածների դեմ ծավալվող թիրախավորված հակաքարոզչությունը որոշակի հիմքեր են տալիս խոսակցությունների համար, որ այդ ամենը հատուկ նպատակ է հետապնդում: Ըստ երևույթին, Արցախից բռնագաղթածներին Փաշինյանի կառռավարությունը ձգտում է պահել շարունակական սոցիալական լարվածության ու բնակարանային պայմաններից զուրկ ու ճնշված սոցիալ-հոգեբանական վիճակում: 
Չի կարելի բացառել, որ փաշինյանական իշխանության նպատակներից մեկն էլ այն է, որ Արցախից բռնագաղթածները, նման պայմաններում հայտնվելով, շտապեն լքել Հայաստանը և մեկնեն օտար երկրներ: 
Zham.am