Ավինյան, «մանդատ չունես»...

Մինչ «քաղաքական մանրավաճառության» հետևանքով (պաշտոն՝ ձայնի դիմաց) այսօր Երևանի քաղաքապետարանի նիստերի դահլիճում Երևանի գլխին ՔՊ-ական «քաղաքապետ» Ավինյան էին բերում «Հանրապետությունն» ու իրենց միանգամայն արժանի համագործակից Վարդան Ղուկասյանի («Դոգ») միջոցով, դրսում բողոքի ակցիա էր:  
Ինչպես հաղորդում է News.am-ը, «Բաբոն Տեր ա» կանանց նախաձեռնության և մի շարք այլ քաղաքացիական նախաձեռնություններ բողոքի ակցիա են իրականացնում Երևանի քաղաքապետարանի դիմաց, որտեղ տեղի է ունենում Երևանի ավագանու անդրանիկ նիստը։
Ցուցարարներն իրենց հետ բերել են պաստառներ, որոնց վրա գրված է՝ «Մանդատ չունես»։ Նրանք դեմ են իշխող «Քաղաքացիական պայմանագիր» կուսակցության քաղաքապետի թեկնածու Տիգրան Ավինյանի առաջադրմանը։
Քաղաքական նախաձեռնության անդամները պահանջագիր-ծանուցումներ են ուղարկել Երևանի ավագանու ընտրություններին մասնակցած քաղաքական ուժերին՝ «Ազգային Առաջընթաց» կուսակցության, «Մայր Հայաստան» դաշինքի և « Հանրային Ձայն» կուսակցության բոլոր ընտրված ավագանու անդամներին անհատապես։
Նրանք քաղաքական ուժերից պահանջում են ցուցաբերել քաղաքական կամք ու հասունություն և չներկայանալ քաղաքապետի ընտրությունների նիստին:
Ի դեպ, բավականին հետաքրքրական է հնչում բողոքի ակցիա իրականացնողների պահանջը, հատկապես «Մայր Հայաստան» դաշինքի դեպքում, քանի որ «Մայր Հայաստանը» առավել քան հստակ հայտարարել էր այդ նիստին չմասնակցելու որոշման մասին, ավելին՝ նույնպիսի կոչ ուղղելով ոչ իշխանական ուժերին: 
Ավինյան-Արամ Զ. Սարգսյան-Վարդան Ղուկասյան (Դոգ») համագործակցությունը Ավինյանին հռչակվեց Երևանի քաղաքապետ: Վերջինս դեռ մի բան էլ համարձակվում է մյուս ուժերի հասցեին անպատասխանատու և վիրավորական հայտարարություններ անել, թե՝ «կոռումպացված, հակաժողովրդավարական ուժեր են»: Սա ասում է մեկը, որ բոլոր վարչական ռեսուրսների գերչարաշահմամբ, ստացել է Երևանի գրանցված ընտրողների ընդհանուր թվի ձայների հազիվ 8 տոկոսը: 
Zham.am