«Կարդա, առաջարկիր, ընդունիր». Նազենի Հովհաննիսյան

Դերասանուհի, հաղորդավարուհի Նազենի Հովհաննիսյան ինստագրամյան իր էջում հարթակ է ստեղծել արցախահայության համար՝ խնդրելով իր հետևորդներին, որ աշխատանք առաջարկեն:
«Ինքնակազմակերպվող ու խղճով իմ ծանոթ-անծանոթ մարդիկ, կենցաղային տարրական ու առաջին անհրաժեշտության հարցերը փոքրիշատե լուծելուց կամ մեղմելուց հետո կարևոր է, որ Արցախից բռնի տեղահանված մեր ժողովուրդը նաև կարողանա գտնել աշխատանք՝ ինքնուրույն ոտքի կանգնելու համար: Խնդրանք գործատուներին, որ նշեք ձեր կամ ծանոթ ընկերությունը, որտեղ կա աշխատանք.
1. Նշենք քաղաքը( մարզը, գյուղը)
2. Ինչ աշխատողի կարիք կա
3. Ինչ մասնագիտության
4. Վերապատրաստման տարբերակ
5. Ընկերությունը, աշխատատեղը կամ ոլորտը
Աշխատանք փնտրողներ ջան, նշեք այստեղ նախընտրելի ոլորտը, վայրը, կամ աշխատանքը( որը պատրաստ եք անելու): Առանձին բազում նամակները՝ այս թեմայով, շատ են, դժվար է համակարգել, իսկ այստեղ գործատուն ում էլ պիտի ինքնակազմակերպվենք, բայց դե համակարգված գործենք»,- գրել է Նազենի Հովհաննիսյանը: