ԱՄՆ-ում մահացել է ամենահայտնի սերիական մարդասպանը. Տեսանյութ. Լուսանկար

ԱՄՆ- ում բանտի հիվանդանոցում մահացել է ԱՄՆ պատմության մեջ ամենավտանգավոր սերիական մարդասպաններից մեկը`  Չարլզ Մենսոնը, հաղորդում է Rbc.ru -ն: 

"Ես ոչ ոք եմ, ես թափառական եմ, ես ապրանքատար եմ ու գինու թաս, ես վտանգավոր եմ, եթե ինձ շատ մոտենաք", - սրանք Մենսոնի բառերն են` բանտից:

Չարլզ Մենսոնը մահացել է 83 տարեկան հասակում կալիֆորնիական Բեյկերսֆիլդ քաղաքի բանտային հիվանդանոցում, որտեղ տեղափոխվել էր Կորկորանի բանտից, ուր կրում էր 9 ցմահ բանտարկության պատիժ:

Նա համարվում էր ԱՄՆ պատմության մեջ ամենահայտնի հանցագործներից մեկը: Նրա մահվան մասին լուրը հաստատել է հայտնի դերասանուհի Շերոն Թեյթի քույրը: Շերոն Թեյթը`  ռեժիսոր Ռոման Պոլանսկիի հղի կինը, մարդասպանի զոհերից մեկն է եղել: 

Մենսոնը հայտնի է դարձել 1960-ականների վերջին: Այն ժամանակ կիթառի սիրահարը փորձում էր դառնալ Beach Boys խմբի անդամ, սակայն ստեղծել էր "Ընտանիք" անունով մի խումբ, որը զբաղվում էր թմրանյութերի օգտագործմամբ և սատանային էր երկրպագում: Մենսոնի հրահանգով նրանք մարդ էին սպանում: 

Հաղորդագրության մեջ նշվում է, որ սեկտայի անդամները սպանում էին անգամ մարդկանց, որոնց չէին ճանաչում:

Ի վերջո ոստիկանությանը հաջողվում է գտնել հանցագործներին և ձերբակալել "Ընտանիք" խմբի բոլոր անդամներին: Նրանք մահապատժի չեն ենթարկվում  այն պատճառով, որ 1972 թ.-ից Կալիֆորնիայում այն արգելված էր: Մենսոնին դատապարտել էին` ինը ցմահ բանտարկություն պատժով: 

Մենսոնի դատից հետո մի շարք ֆիլմեր և սերիալներ են նկարահանվել, ինչպես հաղորդվել է ավելի վաղ, հենց Մենսոնի հանցավոր տարիների մասին է նաև Թվենտին Տարանտինոյի նոր սցենարը, որը ռեժիսորը ներկայացրել է հոլիվուդյան մի շարք ստուդիաների, հաղորդում է Rbc.ru կայքը:

Zham.am