Ո՞վ է առաջնորդը

Ո՞Վ Է ԱՌԱՋՆՈՐԴԸ

• Շատերը հարցնում են, թե ով է առաջնորդը։ Ես կկենտրոնանայի այն բանի վրա, թե ինչ հատկանիշներ պիտի ունենա ազգային առաջնորդը։ 

• Իսկ այդ հարցերի պատասխանը տվել է Աստված։ Ահա 10 առաջնորդական հատկանիշ Աստվածաշնչից՝

■ Թշնամիներին հաղթող․

«Հալածելով թշնամիներիս՝ ես կհասնեմ նրանց ու ետ չեմ դառնա, մինչև չոչնչացնեմ նրանց։ Ես կընկճեմ նրանց, որ այլևս չկարողանան կանգնել, և նրանք կընկնեն իմ ոտքերի տակ» (Սաղմոսներ 17․38-39)։

■ Հողեր ազատագրող․

«Զորացի՛ր և արիացի՛ր, որովհետև դու պիտի բաժին տաս այս ժողովրդին այն երկիրը, որ երդվեցի տալ քո հայրերին» (Հեսու 1․6)։

■ Ամբարտավաններին պատժող․

«Թող արքան իրավունք տա ժողովրդի աղքատներին, պահպանի տնանկների որդիներին և ընկճի ամբարտավաններին» (Սաղմոս 71․4)։

■ Աստվածավախ և իմաստուն․

«Իմաստության սկիզբը Տիրոջ երկյուղն է, արդարների խորհուրդը՝ խոհեմություն, օրենքի իմացությունը մտքի հարստություն է» (Առակաց 9․10)։

■ Արդարամիտ և արդարադատ․

«Քո աթոռը հաստատված է արդարության ու իրավունքի վրա, ողորմությունն ու ճշմարտությունը քո առաջից պիտի ընթանան» (Սաղմոսներ 88․15)։

■ Թույլերին և խոցելիներին կարեկցող․

«Աստծու խոսքո՛վ բաց քո բերանը և ողջամտությա՛մբ դատիր բոլորին, քննի՛ր և տարբերի՛ր աղքատին ու խեղճին» (Առակաց 31․8-9)։

■ Խոնարհ ծառայությամբ․

«Հիսուս նրանց իր մոտ կանչեց ու ասաց. «Գիտեք, որ ազգերի իշխանավորները տիրում են ազգերի վրա, և մեծամեծները իշխում են նրանց վրա: Ձեր մեջ ևս չպետք է այդպես լինի, այլ ձեզնից ով կկամենա մեծ լինել, ձեր ծառան պիտի լինի, և ձեզնից ով կկամենա առաջին լինել, ձեր ծառան պիտի լինի»» (Մատթեոս 20․25-27)։

■ Առաքինի և ժուժկալ․

«Եվ թող նա չբազմացնի իր կանանց թիվը, չգայթակղվի և շատ արծաթ ու ոսկի չկուտակի» (Բ Օրինաց 17․17)։

■ Ճնշվածների պաշտպան․

«Քանզի հզորի ձեռքից նա փրկեց աղքատին՝ աղքատին ու տնանկին, որոնք օգնական չունեն: Նա կխղճա աղքատին ու տնանկին, և տնանկների հոգին կփրկի: Չար վաշխառուներից կազատի նրանց» (Սաղմոսներ 71․12-14)։

■ Վստահելի և բարեխիղճ․

«Քիչ բանի մեջ հավատարիմը շատի մեջ էլ հավատարիմ է, իսկ քչի մեջ անիրավը շատի մեջ էլ անիրավ է» (Ղուկաս 16․10)։

Քաղաքագետ Էդգար Էլբակյանի Ֆեյսբուքյան էջից