Դոնալդ Թրամփը կրկին խոսել է ԱՄՆ-ի և Մեքսիկայի միջև պատի կառուցման անհրաժեշտության մասին
ԱՄՆ նախագահ Դոնալդ Թրամփը կրկին հայտարարերել է, որ ԱՄՆ-ի և Մեքսիկայի միջև անհրաժեշտ է բաժանանար պատ կառուցել: Իր նախընտրական թեզերից մեկն ԱՄՆ առաջնորդը կրկին հնչեցրել է նոյեմբերի 19-ին Մեքսիկայի և ԱՄՆ-ի միջև սահմանին տեղի ունեցած հանցագործությունից հետո, որի արդյունքում սպանվել է սահմանապահ Ռոհելիո Մարթինեզը:
Ինչպես տեղեկացնում է ՏԱՍՍ-ը, Մարթինեզին և նրա գործընկերոջը վիրավորել են Տեխաս նահանգի Վան Հորն բնակավայրի մոտակայքում, սակայն դեպքի մասին որևէ մանրամասներ հայտնի չեն: Տղամարդը հասցրել է հաղորդել այն մասին, որ նա և նրա գործընկերը վիրավորումներ են ստացել, սակայն բժիշկները չեն կարողացել փրկել նրա կյանքը, և Մարթինեզը հիվանդանոց տեղափոխվելու ճանապարհին մահացել է: Երկրորդ սահմանապահի առողջական վիճակը գնահատվում է ծանր:
«Հարավային սահմանում զոհվել է սահմանապահ ծառայության սպա, ևս մեկը ծանր վիրավորում է ստացել: Մենք կգտնենք մեղավորներին և կվերականգնենք արդարությունը: Մենք պետք է պատ կառուցենք, և մենք այն կկառուցենք», - «Թվիթթեր» միկրոբլոգի իր էջում գրել է Թրամփը:
Zham.am
Հետևեք մեզ Facebook-ում