Շուտով բազմաթիվ հայտնի մարդիկ՝ երգիչներ, բլոգերներ, հանրային գործիչներ և այլ մեծ լսարան ունեցողներ, կսկսեն իրենց էջերում դնել լալահառաչ գրառումներ Արցախի մասին

Շուտով բազմաթիվ հայտնի մարդիկ՝ երգիչներ, բլոգերներ, հանրային գործիչներ և այլ մեծ լսարան ունեցողներ, կսկսեն իրենց էջերում դնել լալահառաչ գրառումներ Արցախի կորստյան մասին ու լուսանկարներ։ Որոշները կմասնակցեն տարբեր բարեգործական ակցիաների ու կօգնեն բռնագաղթի ենթարկված արցախահայությանը։

Բայց ուզում եմ, որ դուք՝ հանրային գործիչներդ, դուք բոլորդ իմանաք, որ ես ու իմ նման բազմաթիվ մարդիկ անցնող երեք տարիներին մշտապես ակնկալել ենք, որ դուք դուրս կգաք պայքարի, կօգնեք, որպեսզի Արցախը չկորցնենք ու բռնագաղթված հայություն չունենանք, որ հիմա էլ ստիպված չլինենք բարեգործությամբ զբաղվել։

Դուք չօգնեցիք։

Տեղի ունեցածում դուք էլ եք մեղավոր։ 

Դա ես ու շատ մարդիկ կասենք բոլորիդ անձամբ։

Իսկ հիմա մենք կպայքարենք, որպեսզի գոնե Սյունիքի մոտ կանգնացնեք այս շարունակվող աղետը։ Իսկ դուք... իսկ դուք շարունակեք ձևացնել, թե դուք լավն եք ու անմեղ։ Բայց դուք անմեղ չեք։

Թյուրքագետ Վարուժան Գեղամյանի ֆեյսբուքյան էջից