Պեսկով․ Ղարաբաղում էթնիկ զտումների մասին խոսելու հիմքեր չկան, եւ այնտեղ իրավիճակն Ադրբեջանի ներքին գործն է
Ռուսաստանը շատ ուշադիր հետեւում է Լեռնային Ղարաբաղում տիրող իրավիճակին, Մոսկվան լսում է Բաքվի հայտարարություններն այն մասին, որ թիրախները միայն ռազմական օբյեկտներն են, եւ հույս ունի, որ այդպես էլ կա։ Այս մասին ռուսական Առաջին ալիքի եթերում ասել է ՌԴ նախագահի խոսնակ Դմիտրի Պեսկովը։
«Մենք Բաքվից հայտարարություններ ենք լսում, որ թիրախ են միայն ռազմական օբյեկտները, եւ որ դրանք չեն աշխատում քաղաքացիական նպատակներով։ Ուզում ենք հուսալ, որ այդպես էլ կա։ Մենք շատ ուշադիր հետեւում ենք իրավիճակին»,-ասել է նա։
Նա նաև հավելել է, թե իբր Կրեմլը դեռեւս հիմքեր չի տեսնում Լեռնային Ղարաբաղում էթնիկ զտումների մասին խոսելու համար:
«Էթնիկ զտումների մասին խոսելու հիմքեր դեռ չկան։ Եվ դրա համար կան ուղիղ շփումներ, որոնց ընթացքում մենք հայտնում ենք մեր հնարավոր մտահոգությունները»,-ասել է նա։
Նա նշել է, որ ՌԴ-ն ակնկալում է, որ Ադրբեջանը կպահպանի քաղաքացիական թիրախներին չհարվածելու խոստումը։
«Մենք Բաքվից հայտարարություններ ենք լսում, որ թիրախը միայն ռազմական օբյեկտներն են»,-ասել է նա։
«Մենք համոզված ենք, որ Ղարաբաղի հայ բնակչության բոլոր իրավունքներն ու անվտանգությունը պետք է ապահովվեն։
Ռուսաստանն ընդունում է, որ Ղարաբաղում իրավիճակն այժմ Ադրբեջանի ներքին գործն է։ Ադրբեջանը գործում է իր տարածքում, ինչը ճանաչված է Հայաստանի ղեկավարության կողմից»,-ասել է Պեսկովը։
Աղբյուր՝ NEWS.am
Հետևեք մեզ Facebook-ում