Թուրքական մեդիաներում ակտիվորեն շրջանառվում է "Երրորդ ղարաբաղյան պատերազմ" սահմանումը

Մի քանի դիտարկում։

Թուրքական մեդիաներում ակտիվորեն շրջանառվում է "Երրորդ ղարաբաղյան պատերազմ" սահմանումը։ 

Ագրեսիայի ալիքը գալիս է Հայաստանի ուղղությամբ` երկրի հյուսիսը հարավից կտրելու հեռանկարով։ Պատահական չէ օրերս ակտիվացած խոսույթը "Զանգեզուրյան միջանցքի" մասին, որը, ըստ Բաքվի ու Անկարայի, կարող է բացվել արդեն այս տարի։ Դրան է նպաստում նաև միջազգային իրավիճակը, այդ թվում` նոր ձևավորվող տրանսպորտային ճարտարապետությունը, ինչի մասին օրերս գրել էի։

Իրանի հետ մեծ հույսեր կապել պետք չէ։ Հատկանշական է, որ վերջին շրջանում Բաքուն Թեհրանի հետ գտնվել է ինտենսիվ բանակցությունների մեջ։ Արդյունքում կողմերը մի քանի անգամ հայտարարել են տարբեր հարցերում համընկնող շահերի մասին։ Էապես ինտենսիվացել է նաև ռազմական դիվանագիտությունը։ Մի շփոթեք Իսլամական հեղափոխության պահապանների կորպուսը Իրանի քաղաքական իշխանության հետ։

Քաղաքագետ Վահե Դավթյանի Ֆեյսբուքյան էջից