Դատավորի սխալի պատճառով 13 տարի կալանավայրում անցկացրած շվեդացին 3 մլն դոլար փոխհատուցում կստանա

Ուշագրավ դեպք է տեղի ունեցել Շվեդիայում, որտեղ, ինչպես տեղեկացնում է «The Local.-ը, դատական սխալի պատճառով կալանավայրում 13 տարի անցկացրած Կայ Լինը, որին սպանության գործով մեղավոր էին ճանաչել, մոտ 3 մլն դոլար փոխհատուցում կստանա:

Աղբյուրի փոխանցմամբ՝ տղամարդու անմեղությունն անկախ հետաքննության աքրդյունքում կարողացել է ապացուցել տեղացի բլոգերը, և 2017թ. ամռանը Լինն ազատ է արձակվել:

«Շատ լավ է, որ ես ստիպված չեմ լինի պարտքով փող վերցնել: Այսպես ես կկարողանամ վերադարձնել մարդկանց այն բոլոր գումարները, որոնք ես պարտքով վերցրել էի: Սակայն դա համարժեք փոխհատուցում չէ», - ասաց Լինը, ով դատական սխալի պատճառով կորցրել է իր կյանքի 13 տարին: 

Zham.am