Ամենաէական հարցերում դեռևս սկզբունքային տարաձայնություններ կան․ Միրզոյան

Ամենաէական հարցերում դեռևս սկզբունքային տարաձայնություններ կան․ Միրզոյան Մենք միշտ էլ ասել ենք, որ Ադրբեջանի նման վարքագծի պայմաններում լարվածություն պետք է սպասել թե՛Հայաստանում, թե՛՝ Արցախում։ Այդ մասին այսօր Երևանի քաղաքապետ ընտրելուց հետո լրագրողների հետ զրույցում ասաց ԱԳ նախարար Արարատ Միրզոյանը։ Նրա խոսքով՝ մենք տեսել ենք թե՛ Հայաստանի տարածք ներխուժում ու օկուպացիա, թե՛ ատելության խոսք, հիմա էլ ԼՂ-ում հումանիտար աղետ է։

«Հիմա պետք է շարունակենք աշխատել, մինչև կառուցողական դաշտ գա Ադրբեջանը։ Մենք ուզում ենք խաղաղություն, բայց պետք է տարածքային ամբողջականության փոխադարձ ճանաչում լինի»,- նշեց նա։

ՀՀ ԱԳ նախարարն ասաց, որ տարաձայնություններ կան «խաղաղության պայմանագրի» շուրջ, և ամեն անգամ տեքստը որոշակիորեն հղկվում է։ «Ամենաէական հարցերում դեռևս սկզբունքային տարաձայնություններ կան»,- ասաց Միրզոյանը։

Նա համոզմունք հայտնեց, որ ԼՂ վերաբերյալ բոլոր տարաձայնությունները պետք է քննարկվեն Ստեփանակերտի ու Բաքվի միջև, մյուս կողմերը պետք է ուղղակի աջակցեն, քանի որ երբ երկուսով մնան սենյակում, Բաքուն էլի ուլտիմատումներ է ներկայացնելու։ «Այստեղ է, որ պետք են այդ միջազգային մեխանիզմները։ Բաքուն ինքն է ցույց տալիս, որ այդ միջազգային ներկայության կարիքը կա»,- նկատեց նա։