Բենզինը Հայաստանում 2-3 անգամ թանկ է ԵԱՏՄ անդամ մյուս երկրներից․ ինֆոգրաֆիկա

Բենզինը Հայաստանում կրկնակի, նույնիսկ՝ եռակի թանկ է, քան ԵՏՄ անդամ երկրներում։

Ինչպես տեսնում ենք, Հայաստանի բենզալցակայաններում բենզինի միջին գինը 510-540 դրամ է՝ կախված տեսակից։ Մինչդեռ ԵՏՄ անդամ երկրներում, համաձայն բաց աղբյուրների, արժեքը հետևյալն է․ 

Ղազախստան – 162-202 դրամ

Ռուսաստան – 197-215 դրամ

Ղրղզստան – 250-270 դրամ

Բելառուս – 259-270 դրամ

Հիշեցնենք, որ հեղափոխությունից ընդամենը 3 ամիս առաջ՝ 2018 թվականի հունվարի 23-ին, ԱԺ պատգամավոր Նիկոլ Փաշինյանը ԱԺ ամբիոնից բողոքում էր գնաճից ու պատկերավոր ասում․ «Գառան միսը թանկացել ա՝ կանաչ սոխ կերեք, գիտե՞ք ինչ օգտակար է, խոզի միսը թանկացել ա՝ սխտոր կերեք, բենզինը թանկացել ա՝ բրդեք ձեր ավտոները, թևերիդ մեջ ուժ չկա՞, համ էլ ֆիտնես ա։ Ուրեմն նորմալ ա ամեն ինչ»։

Նշենք, որ այդ ժամանակ բենժինը անհամեմատ ավելի էժան էր։

Ի՞նչ խորհուրդ կտա այժմ վարչապետ Նիկոլ Փաշինյանը թանկացումներից դժգոհ մարդկանց և հատկապես վառելիքի գնաճից դժգոհ վարորդներին։

Աղբյուր՝ Yerevan.today