Շատ խորը վերլուծություն է անհրաժեշտ՝ պարզելու, թե կոնկրետ ինչու է Հայաստանը նման որոշումներ կայացնում. Կրեմլը՝ հայ-ամերիկյան զորավարժությունների մասին
Ռուսաստանը կվերլուծի, թե ինչու է Հայաստանը ԱՄՆ-ի, այլ ոչ ՀԱՊԿ-ի հետ զորավարժությունների մասին որոշումներ կայացնում. այս մասին հայտարարել է ՌԴ նախագահի մամուլի քարտուղար Դմիտրի Պեսկովը՝ նշելով, որ նման վերլուծություն կիրականացվի Երևանի հետ երկխոսության արդյունքում։
«Այն ֆոնին, թե ինչպես Հայաստանը ցանկություն չի հայտնել զորավարժություններ անցկացնել ՀԱՊԿ-ի հետ և այժմ հայտարարել է ամերիկացիների հետ զորավարժություններ անցկացնելու ցանկության մասին... հավանաբար մեզ համար դրանք որոշումներ են, որոնք պահանջում են շատ, շատ խորը վերլուծություն՝ պարզելու համար, թե կոնկրետ ինչու է Հայաստանը նման որոշումներ կայացնում, ինչ նպատակներ են հետապնդվում»,-ասել է Կրեմլի խոսնակը։
Նա ընդգծել է, որ Մոսկվան «կփորձի դա հասկանալ»։
«Բայց, ամեն դեպքում, մենք այս ամենը կանենք հայկական կողմի հետ սերտ, գործընկերային երկխոսության ընթացքում»,-ասել է Պեսկովը։
Աղբյուրը՝ tert.am
Հետևեք մեզ Facebook-ում