Էրդողանը հայտարարել է, որ պատրաստվում է Փաշինյանի հետ բանակցել ԼՂ-ում տիրող իրավիճակի մասին

Թուրքիայի նախագահ Ռեջեփ Թայիփ Էրդողանը հայտարարել է, որ պատրաստվում է ՀՀ վարչապետ Նիկոլ Փաշինյանի հետ բանակցություններ վարել Լեռնային Ղարաբաղում ստեղծված իրավիճակի շուրջ, հայտնում է ՏԱՍՍ-ը։

Այս մասին Թուրքիայի ղեկավարը խոսել է G20-ի գագաթնաժողովին հաջորդած մամուլի ասուլիսի ժամանակ։

Էրդողանը նշել է, որ սխալ է համարում Հայաստանի գործողությունները Լեռնային Ղարաբաղում, ուստի մտադիր է հեռախոսազրույց ունենալ վարչապետ Նիկոլ Փաշինյանի հետ։

Խոսելով Արցախում ընտրությունների մասին, Էրդողանը նշել է, որ այդ հարցի շուրջ բանակցություններ է վարել Ադրբեջանի նախագահ Իլհամ Ալիևի հետ, որից հետո, հնարավոր է, վաղը բանակցություններ ունենա Փաշինյանի հետ։

Աղբյուր՝ 24news.am