Ես չեմ դուրս եկել, ՀՀԿ-ն է ինձնից 5 տարի առաջ հեռացել. Վարդան Ղուկասյան
«Հայկական ժամանակ» թերթը գրում է. «Գյումրու նախկին քաղաքապետ Վարդան Ղուկասյանը (Վարդանիկ), որ օրերս «Հայկական ժամանակ»-ի թղթակցի հետ զրույցում հայտարարել էր, թե 5 տարի առաջ դուրս է եկել ՀՀԿ-ից և առաջիկա ընտրություններին պատրաստվում է մասնակցել «Ծառուկյանի դաշինքի» ցուցակով, այս պահին ՀՀԿ անդամ է։ Այդ մասին մեր հարցին ի պատասխան ՀՀԿ կազմակերպչական հանձնաժողովի նախագահ Ռուբեն Թադևոսյանը թերթին տեղեկացրել է, որ Ղուկասյանից կուսակցությունը ստանալու դիմում դեռևս չեն ստացել:
Թերթը զրուցել է Վարդանիկի հետ:
– Պարոն Ղուկասյան, դուք ասում եք, որ 5 տարի առաջ դուրս եք եկել կուսակցությունից, ՀՀԿ-ից ասում են ՎարդանՂուկասյանը ՀՀԿ անդամ է։
– Դիմումը տվել եմ, ուղարկել եմ, հանգիստ եղեք։
– Ե՞րբ։
– Երկու օր առաջ։ 5 տարի առաջ էլ էի տվել, երկու օր առաջ էլ եմ տվել։
– Ասում են՝ չունենք դիմում։
– Այստեղ մարզային խորհրդից հարցրեք, դիմումները տվել ենք, պիտի տանեն հասցնեն Երևան։
– Անդամագրվո՞ւմ եք որևէ այլ կուսակցության։
– Ոչ։
– Իսկ ինչո՞ւ եք դուրս գալիս։
– Ես չեմ դուրս եկել, ՀՀԿ-ն է ինձնից հեռացել, 5 տարի առաջ հեռացել է ինձնից, ես էլ իրենից։
– Արդեն հստակ պայմանավորվե՞լ եք «Ծառուկյան դաշինքի» հետ, որ ընտրություններին մասնակցելու եք նրանցցուցակով։
– Այո, այո»:
Ավելի մանրամասն՝ թերթի այսօրվա համարում:
Հետևեք մեզ Facebook-ում