Մարդիկ խնդրել են հետմահու պարգևատրել երեխայի կյանքը փրկած ուսուցչուհուն. ավիավթար

Խաբարովսկի Նելկան շրջանի  բնակիչները խնդրել են հետմահու պարգևատրել L-410 ինքնաթիռի ուղևորուհուն, որը ավիավթարի ժամանակ իր մարմնով ծածկել էր աղջիկ երեխայի, և դրանով փրկել նրա կյանքը, այդ մասին РИА Новости -իին հայտնել է շրջանային ղեկավարի տեղակալ, տրանսպորտի նախարար Սերգեյ Իվաշկինը: 

"Այսօր նահանգապետը աշխատանքային այցով գտնվել է Նելկանում: Քաղաքացիների նախաձեռնող խումբը դիմել է նրան և խնդրել Օլգա Լապոնիկովային հետմահու պարգևատրել: Նրանք ասել են, որ ինքնաթիռի ընկնելու ժամանակ Օլգան փրկել է երեխայի կյանքը",- ասել է նա: Հիշեցնենք, որ Օլգան մասնագիտությամբ եղել է ուսուցչուհի:

Հիշեցնենք, որ L-410 "Хабаровские авиалинии" ինքնաթիռը վթարի էր ենթարկվել 2 օր առաջ, Խաբարովսկից Նելկան թռչելիս, վայրեջքի ժամանակ, օդանավակայանից 2 կմ հեռավորության վրա: Զոհվել են վեց հոգի` երկու օդաչու և չորս տեղաբնակ: Փրկարարական աշխատանքները համարվում են ավարտված: Տարվում է հետաքննություն:

Zham.am