Գուրգեն Արսենյանը բանակցում է ՀԱԿ-ի հետ

«Հրապարակ» թերթը գրում է. «ԲՀԿ խմբակցության պատգամավոր, ՄԱԿ ղեկավար Գուրգեն Արսենյանը, որոշ տեղեկություններով, բանակցում է ՀԱԿ-ի հետ։ Ընդ որում՝ կողմերը բանակցությունները խիստ գաղտնի են պահում, և անգամ ՀԱԿ-ում քչերը գիտեն այդ մասին։ Սա Արսենյանի համար բավականին լավ տարբերակ է՝ նախ, բանի որ ՀԱԿ-ը պահպանել է ընդդիմադիրի իր իմիջը և ամոթալի չի լինի հայտնվել այդ ցուցակում, ՀԱԿ-ին էլ է սա ձեռնտու, քանի որ թիմը ֆինանսական խնդիրներ ունի, իսկ Արսենյանը վերջերս է վաճառել իր բիզնեսների մեծ մասը և ազատ միջոցներ ունի, որը կարող է ներդնել ՀԱԿ նախընտրական կամպանիայի մեջ։

Գուրգեն Արսենյանը դեռևս չի ցանկանում խոսել իր Քաղաքական ծրագրերի մասին։ «Խոսելու իմ ժամանակն էլ կգա»,– ասաց նա մեզ։ ՀԱԿ-ի հետ համագործակցելու հարցին էլ պատասխանեց, թե մեր իրավունքն է դա գրել. «Ես չեմ ասել, չք, ձեզ այդ ինֆորմացիան, ինչ ուզում եք՝ գրեք, ես կարող եմ չխոսել»։ Մենք տեղեկացանք նաև, որ իշխանությունը մտադիր է նպաստել ՀԱԿ-ի՝ Աժ-ում հայտնվելուն, և լավատեղյակ աղբյուրը հուշեց, որ դա շատ թափանցիկ կերևա ՀԱԿ ցուցակից, որտեղ կընդգրկվեն ձայն բերող, ֆինանսների տիրապետող, ընտրությունների կազմակերպման փորձ ունեցող անձինք»,–գրում է թերթը։

Մանրամասները՝ թերթի այսօրվա համարում։