Երևանի երկնքում սավառնում է Արցախի Հանրապետության դրոշը․ Տեսանյութ

Երևանի երկնքում այսօր սավառնել է Արցախի Հանրապետության դրոշը։ Հիշեցնենք, այսօր՝ սեպտեմբերի 2-ին Արցախի Անկախության օրն է։

1991թ. սեպտեմբերի 2-ին, ժողովրդական պատգամավորների Լեռնային Ղարաբաղի մարզային Խորհրդի, Շահումյանի շրջանային Խորհրդի և բոլոր մակարդակների Խորհուրդների պատգամավորների համատեղ նստաշրջանը Լեռնային Ղարաբաղի Հանրապետության հռչակման և նրա պետական իշխանության ու կառավարման ժամանակավոր մարմինների ձևավորման մասին հռչակագիր ընդունեց:

1991թ. դեկտեմբերի 10-ին կայացած հանրաքվեի արդյունքում Արցախի բնակչության 99.89%-ն «այո» ասաց անկախությանը:

Տեսանյութը հրապարակել է 44-օրյա պատերազմում զոհված Մխիթար Գալեյանի մայրը՝ Աստղ Գալեյանը։

Մխիթար Գալեյանը զորակոչվել էր բանակ 2019 թ հունվարի 17-ին: Ծառայում էր Արցախի Հանրապետության Հադրութ քաղաքի  զորամասում: Մխիթարը և նրա ծառայակից Հայկը զոհվում են վիրավոր ընկերոջը փրկելիս՝ իրենց իսկ մարմնով, իրենց իսկ կյանքի գնով պաշտպանում և փրկում են ընկերոջը: