Ինչու՞ Փաշինյանի թիմը հինգ տարի է չի կարողանում տրանսպորտի ոլորտում անցնել վճարման միասնական համակարգի

Տիգրան Ավինյանը հայտարարում է, թե այս տարի ուղեվարձի մի ասնական գանձման համակարգը կգործարկվի միայն թեստային ռեժիմով։ Իսկ դա նշանակում է, որ այս թեստային ռեժիմը կտևի ոչ թե մի քանի ամիս, այլ մեկ տարուց ավելի։ Վճարումը դեռ կիրականացվի վարորդի միջոցով։

Ուղեվարձի միասնական վճարային համակարգը կարող էր ներդրվել 4 տարի առաջ։ Սակայն դրա փոխարեն 100 դրամանոց մետաղադրամների համար գանձարկղեր են տեղադրել ավտոբուսներում:           

Ի վերջո, դեռ չորս տարի առաջ արդեն քաղաքը կարող էր ունենալ փորձարկված համակարգ։ Եվ պետք էր սկսել մետրոյից: Այս ամենը ցույց է տալիս քաղաքի կառավարման ղեկին հայտնված մարդկանց՝ քաղաքացու հոգսերի հանդեպ անտարբերության և անպատասխանատվության աստիճանը:   

Այս մարդիկ, բացի դատարկ խոստումներից, այլ բանի ունակ չեն, քանզի նույնիսկ տարրական  գործերը ունակ չեն լինում կարճ ժամանակահատվածում կատարել:  

Սակայն դա էլ քիչ է, իրենց չարածը փորձում են ներկայացնել որպես ապագայի խնդիր և նույնիսկ դրանից փորձում նախընտրական միավոր ստանալ:           

Միթե՞ այս մարդիկ մեր ժողովրդին այսչափ պարզունակ են համարում՝ մտածելով, որ դա կարող է մարսվել հանրության կողմից: 

Արմեն Միքայելյան

Հ.Գ. Իրականում, այդ համակարգին անցնելու համար անհրաժեշտ կլիներ ընդամենը մեկ տարի: Մինչև նոր ավտոբուսների ներկրումն այն կարող էր ներդրվել մետրոյում, իսկ նոր ավտոբուսների ներկրումից հետո այն կարելի կլիներ ներդնել ողջ տրանսպորտային համակարգում: Այսինքն, ամենաուշը 2020 թվականին մենք արդեն կարող էինք ունենալ այդ համակարգը: Մինչդեռ այսօր՝ 2023 թվականին, մեզ դեռ խոստումներով են շարունակում կերակրել: Իսկ չորս տարվա անգործությունը սրանք փորձում են ներկայացնել որպես ձեռքբերում:          

Ինչպես կասեր դասականը, «Խելքի աշեցե'ք»: